រដ្ឋបាលខេត្តកោះកុង បានសហការជាមួយរដ្ឋបាលស្រុកបូទុមសាគរ បានចុះផ្សព្វផ្សាយអំពីគោលនយោបាយដោះស្រាយដីធ្លី និងដំណើរការអនុវត្តបន្ត ជូនប្រជាពលរដ្ឋចំនួន ១៣១គ្រួសារ ដែលបានទទួលរងការប៉ះពាល់ពីគម្រោងអភិវឌ្ឍន៍របស់ក្រុមហ៊ុន ស៊ីណូម៉ិចស៉ិន ខូអិលធីឌី លីមីតធីត កន្លងមក
០៦/០៣/២០២១ វេលាម៉ោង ៨:៣០នាទីព្រឹក
====================
រដ្ឋបាលខេត្តកោះកុង បានសហការជាមួយរដ្ឋបាលស្រុកបូទុមសាគរ បានចុះផ្សព្វផ្សាយអំពីគោលនយោបាយដោះស្រាយដីធ្លី និងដំណើរការអនុវត្តបន្ត ជូនប្រជាពលរដ្ឋចំនួន ១៣១គ្រួសារ ដែលបានទទួលរងការប៉ះពាល់ពីគម្រោងអភិវឌ្ឍន៍របស់ក្រុមហ៊ុន ស៊ីណូម៉ិចស៉ិន ខូអិលធីឌី លីមីតធីត កន្លងមក ស្ថិតក្នុងភូមិសាស្រ្តស្រុកបូទុមសាគរ ខេត្តកោះកុង ក្រោមការដឹកនាំរបស់ លោក សុទ្ធីអភិបាលរង នៃគណៈអភិបាលខេត្ត ។
រដ្ឋបាលស្រុកបូទុមសាគរ បានធ្វើសេចក្តីជូនដំណឹងអញ្ជើញប្រជាពលរដ្ឋពល១៣១ ដើម្បីចូលរួមដោយផ្ទាល់ រដ្ឋបាលស្រុកបានជម្រាបជូនថា ការបែងចែង ត្រូវបានធ្វើឡើងជាពីរខ្សែផ្លូវ គឺខ្សែទី១ ស្របនឹងវិថីសាយភូថង នឹងរៀបចំប្លង់ឡូតិ៍ ដែលមានដីទំហំទទឹង ២០ម៉ែត្រ គុណនឹង បណ្តោយ ៧០ម៉ែត្រ ហើយខ្សែទី២ នឹងរៀបចំប្លង់ឡូតិ៍ ដែលមានដីទំហំ ទទឹង ២០ម៉ែត្រ គុណនឹងបណ្តោយ ១០០ម៉ែត្រ សម្រាប់ធ្វើការបែងចែកជូនប្រជាពលរដ្ឋ ។
ប្រជាពលរដ្ឋប្រមាណជាង ៧០គ្រួសារ មានភាពរីរាយទទួលយកនូវសំណងរបស់រដ្ឋបាលខេត្ត និងរដ្ឋបាលស្រុកបានបែងចែកជូនប៉ុន្តែមានប្រជាពលរដ្ឋមួយចំនួនមិនព្រមទទួលយកសំណងនេះទេដោយបានស្តាប់នូវពាក្យញុះញ៉ង់របស់ជនអុចអាល។
ប្រភព:រដ្ឋបាលស្រុកបូទុមសាគរ
======================
ថ្ងៃសៅរ៍ ៨ រោច ខែផល្គុន ឆ្នាំជូត
ទោស័ក ពុទ្ធសករាជ ២៥៦៤
ត្រូវនឹងថ្ងៃទី៦ ខែមីនា ឆ្នាំ២០២១
ថ្ងៃនេះ ជាថ្ងៃសីល
March 6, 2021
