បន្តពង្រឹងវិធានការបិទផ្អាកអាជីវកម្ម KTV ក្លឹបកំសាន្ត (ខារ៉ាអូខេ រង្គសាល ឌីស្គូតែក និងបៀរហ្គាឌិន) នៅភូមិកោះស្តេច

នារសៀលថ្ងៃទី២២ ខែកុម្ភៈ ឆ្នាំ២០២១ តាមការណែនាំ និងយកចិត្តទុកខ្ពស់បំផុតរបស់លោកជំទាវ មិថុនា ភូថង អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត លោក ចេង មុនីរិទ្ធ អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក បានចាត់តាំង លោក ទួន ឪទី អភិបាលរងស្រុក និងជាអនុប្រធានគណៈបញ្ជាការឯកភាពរដ្ឋបាលស្រុក បានដឹកនាំក្រុមការងារបន្តពង្រឹងវិធានការបិទផ្អាកអាជីវកម្ម ខារ៉ាអូខេ ចំនួន ០៥ ទីតាំង នៅភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ហេីយក្រុមការងារបានណែនាំដល់ម្ចាស់ខារ៉ាអូខេ ប្រសិនបេីមានករណីជនជាតិចំនួន២១ នាក់ ដែលមានការសង្ស័យ ឬពាក់ព័ន្ធនឹងជំងឺកូវីដ-១៩ ក្នុងព្រឹត្តិការណ៍ថ្ងៃទី២០ ខែកុម្ភៈ នៅរាជធានីភ្នំពេញត្រូវរាយការណ៍ជាបន្ទាន់ដល់អាជ្ញាធរមូលដ្ឋាន។