សាខា កក្រក ខេត្តកោះកុង៖ នៅព្រឹក ថ្ងៃព្រហស្បតិ៍ ទី១១ ខែកុម្ភៈ ឆ្នាំ២០២១ មានករណីអគ្គីភ័យ ០១លេីក ស្ថិតក្នុងភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង បណ្តាលអោយផ្ទះ០២ខ្នងធ្វេីអំពីឈេីប្រក់សង្ក័សី៖
១.ម្ចាស់ផ្ទះឈ្មោះ ខៀវ សារ៉ាត់ ភេទស្រី អាយុ៣៣ឆ្នាំ មានសមាជិក០៤នាក់ក្នុងបន្ទុកគ្រួសារ ខូចខាតជញ្ជាំងផ្ទះមួយចំហៀង ។
២.ម្ចាស់ផ្ទះឈ្មោះ ប៉ុយ ផេង ភេទប្រុស អាយុ៣២ ឆ្នាំ មានសមាជិក៧នាក់ក្នុងបន្ទុកគ្រួសារ ខូចខាតសំយ៉ាបផ្ទះកំណាត់មុខ ។
ក្នុងករណីអគ្គីភ័យនេះដែរ អាជ្ញាធរមិនទាន់បានដឹងពីមូលហេតុនៃការឆាបឆេះនៅឡើយទេ ។
ក្រោយពីទទួលបានសេចក្តីរាយការណ៍ ភ្លាមៗ នៅថ្ងៃសុក្រ ទី១២ ខែកុម្ភៈ ឆ្នាំ២០២១ លោកជំទាវ មិថុនា ភូថង ប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង តំណាងដោយ លោក សំឃិត វៀន សមាជិកគណៈកម្មាធិការសាខា បានដឹកនាំក្រុមកការងារ សហការជាមួយ លោកស្រី ស៊ិន ចរិយា អនុប្រធានគណៈកម្មាធិការអនុសាខា កក្រក ក្រុងខេមរភូមិន្ទ រួមនឹងអជ្ញាធរសង្កាត់ដងទង់ បានចុះសួរសុខទុក្ខ និងនាំយក អំណោយមនុស្សធម៌ ផ្តល់ជូនប្រជាពលរដ្ឋ ២ គ្រួសារ ស្មើនឹង ២ខ្នងផ្ទះ ដែលរងគ្រោះដោយអគ្គិភ័យឆាបឆេះ បណ្តាលអោយខូចខាតសម្ភារៈមួយចំនួន ។
មានមតិសំណេះសំណាលក្នុងឱកាសនោះ លោក សំឃិត វៀន សមាជិកគណៈកម្មាធិការសាខា និងក្រុមការងារបានពាំនាំមកនូវប្រសាសន៍ផ្តាំផ្ញើសួរសុខទុក្ខ និងចូលរួមសោកស្តាយ ពីសំណាក លោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តមប្រធានកិត្តិយសសាខា ពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះគ្រួសាររង គ្រោះដោយក្តីអាណិតអាសូរក្រៃលែង ជានិច្ចកាលសម្តេចប្រធានតែងតែគិតគូរ ជានិច្ចពីសុខទុក្ខ ប្រជាពលរដ្ឋ ទទៅ ដែលជួបការលំបាកខ្វះខាត និងគ្រោះមហន្តរាយផ្សេងៗ ដូចជា ៖ អ្នកមានជំងឺរ៉ាំរ៉ៃ ចាស៉ជរាគ្មានទីពឹង ស្ត្រីមេម៉ាយក្រីក្រ កុមារកំព្រា និងជនរងគ្រោះមហន្តរាយផ្សេងៗ ដោយមិន ប្រកាន់វណ្ណៈ ពូជសាសន៍ សាសនា ពណ៌សម្បុរ ឬនិន្នាការ នយោបាយអ្វីឡើយ ។
លោកក៏បានបន្តថាសូមបងប្អូនប្រជាពលរដ្ឋទាំងអស់ត្រូវមានការប្រុងប្រយ័ត្នខ្ពស់ពីការអុជធូបទៀននិងការប្រើប្រាស់ចរន្តអគ្គីសនីគ្មានសុវត្ថិភាព ព្រោះនេះជារដូវប្រាំងងាយនឹងបង្ករជាអគ្គីភ៏័យឆាបឆេះឡើង និងសូមបងប្អូនកុំអស់សង្ឃឹម ត្រូវបន្តការថែទាំសុខភាពនិងខិតខំបន្តប្រកបរបរចិញ្ចឹម ជីវិតប្រចាំថ្ងៃអោយមានល្អប្រសើរឡើងវិញ។ ត្រូវអនុវត្តនអនាម័យលាងដៃអោយបានញឹកញាប់ វិធានការពារខ្លួនពីជំងឺកូវីដ១៩ តាមការណែនាំរបស់ក្រសួងសុខាភិបាល និងត្រូវចូលរួមគោរពច្បាប់ចរាចរណ៍ទាំងអស់គ្នា ។
ឆ្លើយតបជាមួយនិងការផ្តល់អំណោយមនុស្សធម៌នេះ ពួកគាត់សូមគោរពជូនពរ និងថ្លែងអំណរគុណដ៏ជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ឯកឧត្តមប្រធានកិត្តិយសសាខា លោកជំទាវ ប្រធាន គណៈកម្មាធិការសាខា ដែលជានិច្ច ជាកាល តែងតែយកចិត្តទុក ដាក់ដល់ ការ លំបាករបស់ប្រជាពលរដ្ឋគ្រប់ច្រក ល្ហកពិសេសជនរងគ្រោះដូចជាពួកគាត់។
សម្ភារដែលសាខាបានផ្ដល់ជូនក្នុងមួយគ្រួសារៗទទួលបាន ៖ អង្ករ២៥គីឡូក្រាម ត្រីខ១យួរ ទឹកសុទ្ធ៣យួរ មីម៉ាម៉ា១កេស ទឹកត្រី៤ដប កាធុន១ តង់១ អាវយឺត២ ថ្នាំបាញ់មូស២កំប៉ុង សាប៊ូ២ដុំ ឃីត(មុង ភួយ ក្រមា ខ្នើយ)០១ឈុត សម្ភារៈផ្ទះបាយ០១ឈុត និងថវិកាគ្រួសាររងគ្រោះធ្ងន់ធ្ងរចំនួន ៣០០.០០០រៀល គ្រួសាររងគ្រោះដោយអន្លើចំនួន ១០០,០០០ រៀល។ ដោយឡែកអនុសាខាកាកបាទក្រហមកម្ពុជា ក្រុងខេមរភូមិន្ទ ឧបត្ថម្ភបន្ថែមក្នុងមួយគ្រួសារៗ ទទួលបាន ១០០,០០០ រៀល ផងដែរ ។
