សាខាក កក្រក ខេត្តកោះកុង៖ នៅរសៀលថ្ងៃព្រហស្បត្តិ ១៤រោច ខែមាឃ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១១ ខែកុម្ភៈ ឆ្នាំ២០២១ក្រោយពីទទួលព័ត៌មានពីអជ្ញាធម៌មូលដ្ឋាន និងមានការយកចិត្តទុកដាក់ពីសំណាក់លោកជំទាវ មិថុនា ភូថង ប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង បានចាត់អោយក្រុមការងារទទួលបន្ទុកគ្រោះមហន្តរាយសាខាកាកបាទក្រហមកម្ពុជា ខេត្តកោះកុង សហការជាមួយ លោកស្រី ស៊ិន ចរិយា អនុប្រធានគណៈកម្មាធិការ អនុសាខាកាកបាទក្រហមកម្ពុជា ក្រុងខេមរភូមិន្ទ រួមជាមួយអជ្ញាធរសង្កាត់ដងទង់ បានចុះពិនិត្យផ្ទាល់ដល់ផ្ទះរងគ្រោះដោយអគ្គីភ័យចំនួន០២គ្រួសារ (មិនទាន់ដឹងពីមូលហេតុ) នៅព្រឹកថ្ងៃទី ១១ ខែកុម្ភៈ ឆ្នាំ២០២១ រស់នៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង ដើម្បីធ្វើការឆ្លើយតបជូនពួកគាត់ទាន់ពេលវេលា ។