ថ្ងៃពុធ ១៣រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១
ក្រុមការងារផ្នែករដ្ឋបាលព្រៃឈើអណ្ដូងទឹក សហការជាមួយក្រុមអន្តរាគមន៏បង្រ្កាបបទល្មើសសត្វព្រៃចល័តរបស់រដ្ឋបាលព្រៃឈើ បានចុះប្រតិបត្តិការបង្ក្រាបបទល្មើសធ្វើពាណិជ្ជកម្មសំណាកសត្វព្រៃ ដោយគ្មានលិខិតអនុញ្ញាត ចំនួន ០១ ករណី។ កើតហេតុត្រង់ចំណុចអាហារដ្ឋានផ្លូវបំបែកកោះស្តេច ភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង។ ប្រព្រឹត្តឡើងដោយជនល្មើសឈ្មោះ ជា បញ្ចកា ភេទ ស្រី អាយុ ៣០ឆ្នាំ ជនជាតិខ្មែរ មានទីលំនៅបច្ចុប្បន្នសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
វត្ថុតាងល្មើសរួមមាន:
១.សាច់សត្វអន្សង ទម្ងន់ ៥២គ.ក្រ
២. សាច់សត្វជ្រូកព្រៃទម្ងន់ ០៣ គ.ក្រ។
ក្រុមការងារចម្រុះកំពុងចងក្រងសំណុំរឿងតាមនីតិវិធីច្បាប់ ដើម្បីស្នើសុំសេចក្ដីសម្រេចពិន័យអន្តរការណ៍ ពីសមត្ថកិច្ចថ្នាក់លើ។ រីឯសំណាកសាច់សត្វព្រៃខាងលើ ត្រូវបានក្រុមការងារសម្រេចធ្វើការដុតបំផ្លាញចោល។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
