ថ្ងៃពុធ ១៣រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែកុម្ភៈ ឆ្នាំ២០២១
លោក គង់ មិនា អនុប្រធានការិយាល័យកសិ.ឧស្សាហកម្ម និងលោកស្រី វ៉ិត ស្រីអែម អនុប្រធានការិយាល័យផ្សព្វផ្សាយកសិកម្ម មន្ត្រីកសិកម្ម ធនធានធម្មជាតិ និងបរិស្ថានប្រចាំស្រុកស្រែអំបិល បានសហការជាមួយអង្គការសង្រ្គោះកុមារ នៃគម្រោងស្ទៀរ និងបានចុះត្រួតពិនិត្យ និងតាមដានកសិករគម្រូរដាំដុះដំណាំបន្លែ ស្ថិតនៅក្នុងឃុំជីខលើ និងឃុំជីខក្រោម។
ជាការកត់សម្គាល់ យើងសង្កេតឃើញថា ឃុំទាំងពីរខាងលើនេះមានចំនួនកសិករដាំដុះដំណាំបន្លែបានច្រើនគ្នាតាមភូមិនីមួយៗ ក្រោយពីពួកគាត់បានចូលរួមវគ្គបណ្តុះបណ្តាលផ្សេងៗកន្លងមករបស់គម្រោងស្ទៀរ ក្នុងការដាំដុះបច្ចេកទេសថ្មីពីការដាំជាលក្ខណៈគ្រួសារ មកជាលក្ខណៈបែបអាជីវកម្ម។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
