លោក ឃឹម ច័ន្ទឌី អភិបាលរង នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំពិភាក្សាអំពីកិច្ចការវិថីម្ហូបអាហារ នៅក្រុងខេមរភូមិន្ទ

លោកអភិបាលរងខេត្ត សូមឱ្យលោកអភិបាលក្រុង និងលោកប្រធានមន្ទីរពាក់ព័ន្ធ សូមយកចិត្តទុកដាក់អនុវត្តកិច្ចការនេះឱ្យបានសម្រេចតាមផែនការ ដែលបានគ្រោងទុក ធ្វើយ៉ាងណាឱ្យបងប្អូនអាជីវករ មានកន្លែងលក់ដូរសមរម្យ ប្រកបដោយអនាម័យ និងមានសោភ័ណភាព សម្រាប់ទាក់ទាញភ្ញៀវទេសចរណ៍ ដែលមកកំសាន្តក្នុងខេត្តកោះកុង ជាពិសេសក្រុងខេមរភូមិន្ទតែម្តង ហើយកិច្ចការនេះផងដែរអនុវត្តឱ្យបានត្រឹមត្រូវ និងខ្ជាប់ខ្ជួនបំផុត តាមគោលការណ៍ណែនាំនានា របស់ក្រសួង ស្ថាប័នពាក់ព័ន្ធ ព្រមទាំងសហការជាមួយក្រុមការងារធកវើយ៉ាងណាឱ្យដំណើរការសម្រេចបានល្អប្រសើរ មួយវិញទៀតត្រៀមសម្រាប់ចូលរួមចលនាប្រឡងប្រណាំងទីក្រុងស្អាតលើកទី៣ (២០២១ - ២០២៣) នាពេលខាងមុខ៕