ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង បានអញ្ជើញជាអធិបតីដឹកនាំកិច្ចប្រជុំត្រៀម ដើម្បីចូលរួមជាវាគ្មិនកិត្តិយស ក្នុងសន្និសីទសារព័ត៌មាន ក្រោមប្រធានបទ ស្តីពីវឌ្ឍនភាពមូលដ្ឋានឃុំ សង្កាត់ និងទិសដៅបន្តរបស់រដ្ឋបាលខេត្ត។
ក្នុងឱកាសនេះផងដែរ ឯកឧត្តមប្រធាន សូមឱ្យមន្ទីរ អង្គភាព និងទីចាត់ការ ព្រមទាំងអ្នកពាក់ព័ន្ធ រៀបចំសមិទ្ធផលសំខាន់ៗ របស់បានសមាហរណកម្មក្នុងផែនការរបស់រដ្ឋបាលឃុំ សង្កាត់ រដ្ឋបាលក្រុង ស្រុកនាឆ្នាំកន្លងមក និងផែនការដែលត្រូវអនុវត្តបន្ត ដែលបានលើកឡើងកន្លងមកហើយ ជាមួយបញ្ហាប្រឈម និងសំណូមពរនានា ដើម្បីត្រៀមក្នុងសន្និសីទសារព័ត៌មាន ក្រោមប្រធានបទ ស្តីពីវឌ្ឍនភាពមូលដ្ឋានឃុំ សង្កាត់ និងទិសដៅបន្តរបស់រដ្ឋបាលខេត្ត នៅទីស្តីការគណៈរដ្ឋមន្ត្រីនាពេលខាងមុខ៕
