ថ្ងៃពុធ ៩ កើត ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៣ ខែធ្នូ ឆ្នាំ២០២០:វេលាម៉ោង ៩ ៖ ៣០នាទីព្រឹក លោក ឈេង សុវណ្ណដា អភិបាល នៃគណ:អភិបាលក្រុង និង ជាប្រធានអនុសាខាកាកបាទក្រហមកម្ពុជាក្រុងខេមរភូមិន្ទ រួមដំណើរដោយលោក លោកស្រី អនុប្រធានអនុសាខាកាកបាទក្រហមកម្ពុជា ក្រុងខេមរភូមិន្ទ សហការជាមួយរដ្ឋបាលសង្កាត់ ,ភូមិ ព្រមទាំងយុវជនសហភាពសហព័ន្ធយុវជនកម្ពុជា ស.ស.យ.ក.ខេត្ត និង ស.ស.យ.ក. ក្រុងខេមរភូមិន្ទ បានចុះសំណេះសំណាល សួរសុខទុក្ខ និងចែកអំណោយមនុស្សធម៌ដល់គ្រួសារក្រីក្រ , ចាស់ជរា , ពិការ និងគ្រួសាររងគ្រោះខ្យល់កន្រ្តាក់ ចំនួន០៥គ្រួសារ នៅសង្កាត់ស្មាច់មានជ័យ ក្នុងនោះស្ថិតក្នុង ៖
- ភូមិ០៣ ចំនួន ៖ ០៣គ្រួសារ (ផ្តល់ជូនគ្រួសារចាស់ជរា០២គ្រួសារ និងគ្រួសារខ្យល់ប៉ើងដំបូល០១គ្រួសារ) ភូមិស្មាច់មានជ័យ ចំនួន ៖ ០២ គ្រួសារ។ ( ផ្តល់ជូនគ្រួសារ ស្រ្តីពិការ០១គ្រួសារ និងគ្រួសារខ្យល់ប៉ើងដំបូល០១គ្រួសារ) ។ អំណោយដែលអនុសាខាផ្តល់ជូនរួមមាន៖ គ្រួសារខ្យល់ប៉ើងដំបូល ក្នុងមួយគ្រួសារទទួលបាន អង្ករ ២៥ គីឡូ និងសង្កសីចំនួន១០ សន្លឹក និងគ្រួសារចាស់ជរា និងពិការទទួលបានគ្រឿងឧបភោគបរិភោគ អង្ករ២៥គីឡូក្រាម ស្ករស១គីឡូក្រាមទឹកត្រី១ដប ត្រីខកំប៉ុង០១យួរ ទឹកស៊ីអ៊ីវ១ដប មីម៉ាម៉ា០១កេសតូច ប្រេងឆា១លីត្រ និងថវិកា ចំនួន 50.000៛ ។
#ប្រភពពីរដ្ឋបាលក្រុងខេមរភូមិន្ទ#
