រដ្ឋបាលខេត្តកោះកុង

សុក្រ ៧កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកញ្ញា ឆ្នាំ២០២៦

នៅព្រឹកថ្ងៃសុក្រ ៧កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកញ្ញា ឆ្នាំ២០២៦ ថ្នាក់ដឹកនាំមន្ទីរពេទ្យ ផ្នែករដ្ឋបាល ថ្នាក់ដឹកនាំផ្នែកជំងឺកុមារ និងផ្នែកសង្គ្រោះបន្ទាន់ នៃមន្ទីរពេទ្យបង្អែកខេត្តកោះកុង បានសម្របសម្រួលដល់ក្រុមគណៈប្រតិភូ នៃសមាគមគ្រូពេទ្យកុមារកម្ពុជា ដឹកនាំដោយលោកសាស្ត្រាចារ្យ គឹម អាង នាយករងមន្ទីរពេទ្យកុមារជាតិ និងជាអនុប្រធានក្រុមប្រឹក្សាភិបាល នៃសមាគមគ្រូពេទ្យកុមារកម្ពុជា ដឹកនាំសិក្ខាកាមដែលចូលរួម “សិក្ខាសាលា ដើម្បីការអភិវឌ្ឍន៍វិជ្ជាជីវៈបន្ត ផ្នែកវេជ្ជសាស្ត្រកុមារ សម្រាប់ឆ្នាំ២០២៦” មកអនុវត្តផ្ទាល់ លើការថែទាំ ព្យាបាលជំងឺកុមារ និងពិភាក្សាលើករណីជំងឺជាក់ស្ដែងសំខាន់ៗមួយចំនួន នៅមន្ទីរពេទ្យបង្អែកខេត្តកោះកុង បន្ទាប់ពីបានចូលរួមសិក្សាទ្រឹស្ដីតាមរយៈការធ្វើបទបង្ហាញរបស់វាគ្មិន កាលពីថ្ងៃទី១៧ ខែកញ្ញា ឆ្នាំ២០២៦ ម្សិញមិញនេះ។