រដ្ឋបាលខេត្តកោះកុង

សាខា កក្រក ខេត្តកោះកុង ៖ ឯកឧត្តមវេជ្ជបណ្ឌិត ទៅ ម៉ឹង លេខាធិការគណៈកម្មាធិការសាខាកាកបាទក្រហមកម្ពុជា ខេត្តកោះកុង បានដឹកនាំក្រុមប្រតិបត្តិសាខា នៅរសៀលថ្ងៃទី២៤ ខែកក្កដា ឆ្នាំ២០២៦នេះ ចូលរួម កិច្ចប្រជុំបូកសរុបលទ្ធផលការងាររយៈពេល៦ខែ ឆ្នាំ២០២៦ និងទិសដៅបន្ត តាមប្រព័ន្ធអនឡាញ (Zoom) ជាមួយសាខាកាកបាទក្រហមកម្ពុជា ទាំង ២៥រាជធានីខេត្ត ក្រោមអធិបតីភាពដឹកនាំកិច្ចប្រជុំដោយ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា និងវត្តមានអញ្ជើញចូលរួមពីឯកឧត្តមអគ្គលេខាធិការរងទី២ ព្រមទាំងវត្តមាន ឯកឧត្តម លោកជំទាវ គណៈកម្មាធិការសាខា មន្ត្រីថ្នាក់កណ្តាល និងសាខា សរុបចំនួន ២៨៣នាក់ ស្រី៩២នាក់។

របៀបវារៈនៃកិច្ចប្រជុំខាងលើនេះមានដូចតទៅ៖ (១). បូកសរុបលទ្ធផលការងាររយៈពេល៦ខែឆ្នាំ២០២៦ និងទិសដៅបន្ត (២). ចែករំលែកខ្លឹមសារគោលនៃទិសយុទ្ធសាស្ត្របន្ថែមថ្មីចំនួន ៥ នៃរបាយការណ៍ពិនិត្យពាក់កណ្តាលទីយុទ្ធសាស្ត្រ ២០២១-២០៣០ និង(៣). បញ្ហាផ្សេងៗ៕