រដ្ឋបាលខេត្តកោះកុង

លោក អ៊ុល រ៉ាន់ និងលោក លី ហេង ប្រធានការិយាល័យជំនាញនៃមន្ទីរបរិស្ថានខេត្តកោះកុង រួមជាមួយលោកនាយកតំបន់រ៉ាមសារកោះកាពិ បានសហការជាមួយក្រុមហ៊ុន ខ្លាយម៉េតផ្លាស (Climate+ ) រៀបចំកិច្ចប្រជុំពិគ្រោះយោបល់មួយ ស្តីពី «ការផ្តល់ព័ត៌មានដោយសេរី និងការយល់ព្រមជាមុនដោយស្ម័គ្រចិត្ត (FPIC)»។ កិច្ចប្រជុំនេះ ធ្វើឡើងនៅក្នុងតំបន់អនុវត្តគម្រោងរេដបូក (REDD+) នៃដែនជម្រកសត្វព្រៃពាមក្រសោប និងតំបន់រ៉ាមសារកោះកាពិ។

កិច្ចប្រជុំនេះត្រូវបានរៀបចំឡើងពេលព្រឹកនៅសាលាឆទាន (ចំណុចឡាំដាំ) និងរសៀលនៅសាលាឃុំកោះកាពិ ស្ថិតក្នុងភូមិ១ ឃុំកោះកាពិ ស្រុកកោះកុង ខេត្តកោះកុង។ ដោយមានការអញ្ជើញចូលរួមពីតំណាងរដ្ឋបាលខេត្ត គណៈអភិបាលស្រុកកោះកុង អាជ្ញាធរមូលដ្ឋានភូមិ-ឃុំ និងប្រជាពលរដ្ឋសរុបចំនួន ១១៧នាក់ (ស្រី ៥៣នាក់)។

ថ្ងៃចន្ទ ៧រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែកក្កដា ឆ្នាំ២០២៦