រដ្ឋបាលខេត្តកោះកុង

មន្ទីរផែនការខេត្តកោះកុង សហការជាមួយ នាយកដ្ឋានស្ថិតិ សង្គមកិច្ច នៃវិទ្យាស្ថានជាតិស្ថិតិ ក្រសួងផែនការ រៀបចំវគ្គបណ្តុះបណ្តាលស្ដីពី វិធីសាស្ត្រនៃការវិភាគ និងសរសេររបាយការណ៍ស្ថិតិតាមតំបន់ ក្រោមអធិបតីភាព លោក ម៉ន ភារៈ អគ្គនាយករង វិទ្យាស្ថានជាតិស្ថិតិ ក្រសួងផែនការ ព្រមទាំងមានការអញ្ជើញចូលរួមពី លោកស្រី ពៅ ចន្ធី អនុប្រធានមន្ទីរ តំណាងលោក ជា ស៊ីវត្រា ប្រធានមន្ទីរផែនការខេត្តកោះកុង លោក លោកស្រី តំណាង មន្ទីរសុខាភិបាល នៃរដ្ឋបាលខេត្ត មន្ទីរអប់រំ យុវជន និងកីឡាខេត្ត មន្ទីរការងារ និងបណ្តុះបណ្តាលវិជ្ជាជីវៈខេត្ត មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងមន្រ្តីមន្ទីរផែនការខេត្ត សរុប ២២នាក់ ស្រី ០៧នាក់ ដែលប្រព្រឹត្តទៅចំនួន ៤ថ្ងៃ គិតចាប់ពីថ្ងៃទី៩ ដល់ថ្ងៃទី១២ ខែធ្នូ ឆ្នាំ២០២៥ នៅសាលប្រជុំមន្ទីរផែនការខេត្តកោះកុង។ វគ្គបណ្តុះបណ្តាលនេះមានគោលបំណង ដើម្បីពង្រឹងសមត្ថភាពរបស់មន្ត្រីដែលកំពុងបម្រើការងារផែនការ ស្ថិតិ និងផ្នែកពាក់ព័ន្ធ ដើម្បីឱ្យមានចំណេះដឹងអំពី ការវិភាគទិន្នន័យ និងសរសេររបាយការណ៍ស្ថិតិតាមតំបន់តូចៗ (Small Area Statistics) ដោយឆ្លុះបញ្ចាំងអំពីស្ថានភាពប្រជាសាស្ត្រ សង្គមកិច្ច និងសហគ្រាស តាមរាជធានី ខេត្តនីមួយៗ។

ថ្ងៃអង្គារ ៤រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែធ្នូ ឆ្នាំ២០២៥