រដ្ឋបាលខេត្តកោះកុង

លោក ឡៅ ប៊ុនខេង អភិបាលរង នៃគណៈអភិបាលខេត្តកោះកុង បានដឹកនាំក្រុមការងារ និងមានការចូលរួមពីអាជ្ញាធរស្រុកស្រែអំបិល បានចុះជួប ជាមួយគណៈកម្មការគ្រប់គ្រងគម្រោងឃុំ គណៈកម្មការលទ្ធកម្មឃុំអ្នកទទួលការ ដើម្បីពិភាក្សាការងារអនុវត្តគម្រោងមូលនិធិឃុំបឹងព្រាវ ឆ្នាំ២០២៥ និងបានចុះពិនិត្យវឌ្ឍនភាពគម្រោងសាងសង់ផ្លូវបេតុងអាមេចំនួន ២ខ្សែ ប្រវែង ៦៤០ម៉ែត្រនិងដាក់ស្លាកសញ្ញា ១កន្លែង ស្ថិតនៅភូមិប្លោង និងភូមិស្ទឹងឆាយ ឃុំបឹងព្រាវ ស្រុកស្រែអំបិល ខេត្តកោះកុង។
ជាលទ្ធផល ក្រុមការងារបានចុះពិនិត្យ និងវាស់វែងជាក់ស្ដែង ឃើញថា ផ្លូវបេតុង ចំនួន ១ខ្សែ ប្រវែង ៤៥៨ម៉ែត្រ ទទឹង ៦ម៉ែត្រ កម្រាស់ ០.១៥ម៉ែត្រ បានសាងសង់រួចរាល់ជាស្ថាពរ ស្របតាមបទដ្ឋានបច្ចេកទេស។
ខ្សែទី២ ប្រវែង ១៨២ម៉ែត្រ ទទឹង ៥ម៉ែត្រ កម្រាស់ ០.១៥ កំពុងស្ថាបនាបានចំនួន ប្រហែល ៣០ម៉ែត្រ។
ថ្ងៃសុក្រ ៩រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៥