រដ្ឋបាលខេត្តកោះកុង

លោក ហាក់ ស៊ីម អភិបាលរង នៃគណៈអភិបាលស្រុក តំណាងលោក សុខ ភិរម្យ អភិបាលស្រុក និងជាប្រធានគណៈកម្មាធិការអនុសាខា បានដឹកនាំក្រុមការងារមកទទួលទេយ្យទានព្រះតេជគុណ សាម ដុង ព្រះចៅអធិការវត្តនិគ្រោធារាម (ហៅវត្តចាំយាម) ដែលបានបរិច្ចាគថវិកា និងទេយ្យទានជាគ្រឿង ឧបភោគបរិភោគ មានដូចជាអង្ករ១០បាវស្មើនឹង៥០០គីឡូ មីខ្មែរ១០កេស ទឹកត្រី៥កេសតូច ទឹកភេសជ្ជៈ១០កេស ទេកស៊ីអ៊ីវសុខ១កេស ត្រីខ ១កេស ស្កសរ ៥០គ.ក ទឹកសុទ្ធ៣កេស និង១០០យួរ និងបច្ច័យចំនួន១,០០០,០០០៛ ជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ។
ក្នុងឱកាសនោះលោកអភិបាលរងស្រុក សូមថ្លែងអំណរ គុណយ៉ាងជ្រាលជ្រៅបំផុតប្រគេនចំពោះ ព្រះគ្រូចៅអធិការវត្តដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខា។
ថ្ងៃព្រហស្បតិ៍ ១០កើត ខែអស្សុជ ឆ្នាំម្សាញ់ សប្តស័ក ព.ស.២៥៦៩
ត្រូវនឹងថ្ងៃទី២ ខែតុលា ឆ្នាំ២០២៥