រដ្ឋបាលខេត្តកោះកុង

សាខា កក្រក ខេត្តកោះកុង៖ នៅថ្ងៃច័ន្ទ ៦រោច ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១០ ខែសីហា ឆ្នាំ២០២០ លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង បានចាត់អោយ លោក ឈួន យ៉ាដា នាយកប្រតិបត្តសាខា ដឹកនាំក្រុមប្រតិបត្តិសាខា អញ្ជើញ ចុះសួរសុខទុក្ខ ១.ឯកឧត្តម លី សារ៉េត អនុប្រធានគណៈកម្មាធិការសាខា កំពុងសម្រាកព្យាបាលជំងឺនៅគេហដ្ឋានរបស់ឯកឧត្តម នៅរាជធានីភ្នំពេញ ២.លោកតា ក្រួច ប្រាជ្ញ ប្រធានកិត្តិយសអនុសាខាកាកបាទក្រហមកម្ពុជា ស្រុកស្រែអំបិល កំពុងសម្រាកព្យាបាលជំងឺ នៅមន្ទីរពេទ្យបង្អែកស្រុកស្រែអំបិល ។

ក្នុងឱកាសនេះ លោក ឈួន យ៉ាដា នាយកប្រតិបត្តិសាខា និងក្រុមការងារ បានសម្តែងនូវការគោរព និងបាន ពាំនាំនូវប្រសាសន៍ផ្តាំ ផ្ញើសួរសុខទុក្ខ នឹករលឹកចំពោះឯកឧត្តម លី សារ៉េត អនុប្រធានគណៈកម្មាធិការសាខា និងលោកតា ក្រួច ប្រាជ្ញ ប្រធានកិត្តិយសអនុសាខាស្រុកស្រែអំបិល ពីសំណាក់លោកជំទាវ មិថុនា ភូថង ប្រធានគណៈកម្មាធិការសាខា ឯកឧត្តម ប៊ុន លើត ប្រធានកិត្តិយសសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលលោកទាំងពីរជាឥស្សរជន បានលះបង់កម្លាំងកាយកម្លាំងចិត្តក្នុង បុព្វហេតុ ការងារមនុស្សធម៌ ជាតិមាតុភូមិរាប់មិនអស់។

     ក្រុមការងារ សូមគោរពជូនពរ ឯកឧត្តមអនុប្រធាន និងលោកតា ព្រឹទ្ធាចារ្យ សូមមានសុខភាពល្អ ឆាប់ជាពីជំងឺរោគាព្យាធិទាំងឡាយ ទាំងពួងជន្មាយុយឺនយូរ ដើម្បីជាម្លប់ដ៏ត្រជាក់ដល់កូនចៅ និងបន្តដឹកនាំការងារមនុស្សធម៌តទៅមុខទៀត ព្រមទាំងជួបប្រទះតែសេច​ក្តីសុខសេចក្តីចម្រើនតរៀងទៅ។