សាខា កក្រក ខេត្តកោះកុង៖ ថ្ងៃសៅរ៍ ទី២១ ឆ្នាំ២០២៤ លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជា ខេត្តកោះកុង បានចាត់ឱ្យលោក ឈួន យ៉ាដា នាយកប្រតិបត្តិសាខា បានអញ្ជើញចុះសួរសុខទុក្ខនិងនាំយកថវិកាមនុស្សធម៌ ចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសារ សពកុមារី ឈឿន កុលាប ហៅ ងើយ ដែលបានលង់ទឹកសមុទ្រស្លាប់ បច្ចុប្បន្នសពតំកល់ធ្វើបុណ្យភូមិ១ សង្កាត់ដងទង់ ក្រិងខេមរភូមិន្ទ ខេត្តកោះកុង ។
ក្នុងឱកាសនេះផងដែរ លោក ឈួន យ៉ាដា នាយកប្រតិបត្តិសាខា បាននាំនូវសាររំលែកទុក្ខរបស់លោកជំទាវ មិថុនា ភូថង ប្រធានគណៈកម្មាធិការសាខា ចូលរួមសោកស្តាយនៅការបាត់បង់កូនជាទីស្រលាញ់ព្រមទាំងរំលែកទុក្ខដ៍ក្រៀមក្រំនេះផង សូមបានទៅកាន់ទីបរមសុខ និងមានប្រសាសន៍លើកទឹកចិត្តដល់ ម្តាយនៃសពសូមកាត់ចិត្តគិតដល់សុខភាព និងប្រឹងប្រកបរបរចិញ្ចឹមជីវិតនិងកូនដែលនៅរស់ទៅមុខទៀត ។
ថវិកាដែលសាខាចូលរួមរំលែកទុក្ខចំនួន ៤០ម៉ឺនរៀល ។
