លោកស្រីគ្រូពេទ្យ ប៉ែន អ៊ុងវីរ៉ា អនុប្រធានមន្ទីរសុខាភិបាលខេត្តកោះកុង  និងលោកស្រីវេជ្ជបណ្ឌិត ថា សុខលាង មន្រ្តីការិយាល័យបង្ការនិងគ្រប់គ្រងជំងឺ បានចូលរួមសិក្ខាសាលាផ្សព្វផ្សាយរបាយការណ៍វាយតម្លៃស្តីពី សុខភាពកុមារ និងបរិស្ថាន ក្រោមអធិបតីភាព ឯកឧត្តមវេជ្ជបណ្ឌិត សាន់ សាប់អី រដ្ឋលេខាធិការក្រសួងសុខាភិបាល តំណាងដ៏ខ្ពង់ខ្ពស់ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល

គោលបំណង

១. ដើម្បីផ្សព្វផ្សាយលទ្ធផលរបាយការណ៍វាយតម្លៃសុខភាពកុមារ និងបរិស្ថាន ដល់មន្ត្រីសុខាភិបាល ក្រសួង 

ពាក់ព័ន្ធ ដៃគូអភិវឌ្ឍន៍ អង្គការសង្គមស៊ីវិល និងអ្នកពាក់ព័ន្ធ សំខាន់ៗផ្សេង ទៀត។ 

២. ដើម្បីជួយសម្រួលដល់ការពិភាក្សាបច្ចេកទេស លើអនុសាសន៍ដែលបានលើកឡើងនៅក្នុងការ វាយតម្លៃ ដោយផ្តោតលើការបង្កើតយុទ្ធសាស្ត្រដែលអាចធ្វើសកម្មភាពដើម្បីដោះស្រាយបញ្ហាប្រឈម និងអាទិភាព ដែលបានកំណត់សម្រាប់ឆ្នាំ២០២៥ រួមទាំងជាមួយសមាជិកនៃគណៈកម្មាធិការជាតិ សុខភាព បរិស្ថាន។

សមាសភាពចូលរួមអង្គប្រជុំ:

-លោកបណ្ឌិត កុល ហេរ៉ូ ប្រធាននាយកដ្ឋាន ការពារសុខភាព ( PMD)

-លោកស្រីបណ្ឌិត ខឿន គឹមលាង ទីប្រឹក្សារបស់អង្គការ UNICEF

- លោកឯកឧត្តម លោកជំទាវ តំណាង មកពី ក្រសួង បរិស្ថាន ក្រសួង កសិកម្ម រុក្ខប្រមាញ់ និង នេសាទ ក្រសួង អប់រំយុវជន និង កីឡា និង មន្រ្តីសុខាភិបាល គ្រប់បណ្តាខេត្ត និង អង្គការដែគូជាច្រើនទៀត 

ធ្វើនៅសណ្ឋាគារ Hyatt Regency Phnom Penh

ឧបត្ថម្ភដោយ: អង្គការ UNICEF

ថ្ងៃពុធ ៦រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤

October 23, 2024