រដ្ឋបាលឃុំត្រពាំងរូង,ថ្ងៃព្រហស្បតិ៍ ១៥ កើត ខែអស្សុជ ឆ្នាំរោង
ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែតុលា ឆ្នាំ២០២៤ វេលាម៉ោង ០៨:០០ នាទីព្រឹក រដ្ឋបាលឃុំត្រពាំងរូង បានប្រជុំស្រង់ស្ថិតិគ្រួសារចិញ្ចឹម សត្វពាហនៈ និងស្ថិតិសត្វពាហនៈក្នុងឃុំត្រពាំងរូង និងបានណែនាំដល់ម្ចាស់សត្វពាហនៈអំពីការ ចិញ្ចឹមសត្វ ត្រូវមានក្រោល ខ្សែចំណង និងមានអ្នកកង្វៀលឱ្យបានត្រឹមត្រូវ ជាពិសសេសទទួល ខុសត្រូវពេលមានករណីកើតជាយថាហេតុ (គ្រោះថ្នាក់ចរាចរ ឬបំផ្លាញដំណាំផ្សេងៗ របស់ ប្រជាពលរដ្ឋ ក្រោមអធិបតីភាពលោក លៀង សាម៉ាត មេឃុំត្រពាំងរូង និងមានការចូលរួមពី លោក ជួន ចិន្ដា មន្រ្តីការិយាល័យកសិកម្មស្រុកកោះកុង លោក ផៃ សុផា មេបញ្ចាការរងកងរាជអាវុធហត្ថស្រុកកោះកុង លោក ដុំ ដា អធិការរងផ្នែកសណ្ដាប់ធ្នាប់ លោក យោង ចាន់ឌី នាយប៉ុស្តិ៍នគរបាល រដ្ឋបាលឃុំត្រពាំងរូង លោក លោកស្រី សមាជិកក្រុមប្រឹក្សាឃុំ មេភូមិ និងប្រជាពលរដ្ឋដែលជាម្ចាស់ចិញ្ចឹមសត្វពាហនៈក្នុងឃុំត្រពាំងរូង សរុបចំនួន ៣៥នាក់ ស្រី ១៩នាក់ មានទីតាំងនៅសាលាឃុំត្រពាំងរូង ។