រដ្ឋបាលឃុំកោះស្ដេច ចូលរួមព្រលែងអណ្ដេីកសមុទ្រចំនួនពីរក្បាលស្ថិតនៅភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង
រដ្ឋបាលឃុំកោះស្ដេច
លោក សាយ ហេង មេឃុំកោះស្ដេច បានចាត់តាំងលោក ស៊ន ស្រិញ ជំទប់ទី១ ដឹកនាំសមាជិកគណៈកម្មការសហគមន៍នេសាទសម្រស់កោះស្ដេច និងសហការជាមួយអង្គការសត្វព្រៃ និងរុក្ខជាតិ (Fauna & Flora) ចូលរួមធ្វេីការព្រលែងអណ្ដេីកសមុទ្រចំនួនពីរក្បាល ដែលនេសាទបានដោយចៃដន្យដោយអ្នកនេសាទឈ្មោះ ផាត ហេន ស្ថិតនៅចំណុចជិតពយម៉ោង និងកោះក្រសារកណ្ដាល កាលយប់ពីថ្ងៃទី១៥ ខែតុលា ឆ្នាំ២០២៤ មានចំនួនពីរប្រភេទគឺទី១ ប្រភេទអណ្ដេីកល្មិច (Chelonia mydas) មានទំហំស្នូកបណ្ដោយ ៥១ សង់ទីម៉ែត្រ ទទឹងស្នូក ៥០ សង់ទីម៉ែត្រ និងមានទម្ងន់ ១២ គីឡូក្រាម កិបស្លាកលេខសម្គាល់ KH2404 និងទី២ប្រភេទអណ្ដេីកក្រាស (Eretmochelys imbricata) មានទំហំស្នូកបណ្ដោយ ៥៧ សង់ទីម៉ែត្រ ទទឹងស្នូក ៥៤ សង់ទីម៉ែត្រ និងមានទម្ងន់ ១៤,២ គីឡូក្រាម កិបស្លាកលេខសម្គាល់ KH2405 ដោយបានធ្វេីការព្រលែងនៅចំណុចឆ្នេរពយជប៉ុនស្ថិតនៅភូមិព្រែកស្មាច់ ឃុំកោះស្ដេច ស្រុកគិរីសាគរ ខេត្តកោះកុង។ សូមបញ្ជាក់ថា អណ្ដេីកសមុទ្រទាំងពីរប្រភេទនេះត្រូវបានចាត់ចូលជាប្រភេទធនធានជលផលសមុទ្រកំពុងរងគ្រោះថ្នាក់ និងត្រូវបានការពារដោយច្បាប់ស្ដីពីជលផល ដូច្នេះរដ្ឋបាលឃុំកោះស្ដេច សូមអំពាវនាវដល់បងប្អូនប្រជានេសាទទាំងអស់រួមគ្នាការពារសត្វអណ្ដេីកសមុទ្រ ដោយរាយការណ៍ជូនអាជ្ញាធរនៅពេលនេសាទបានដោយចៃដន្យ ឬជួយសង្រ្គោះពីការទាក់ជាប់មងខ្មោចឬឧបករណ៍នេសាទផ្សេងៗ។
ថ្ងៃពុធ ១៤កេីត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៦ ខែតុលា ឆ្នាំ២០២៤ October 16th, 2024
