រដ្ឋបាលឃុំកោះស្ដេច
តាមការចាត់តាំងពីលោក សាយ ហេង មេឃុំកោះស្ដេច លោក ស៊ន ស្រិញ ជំទប់ទី១ បានអញ្ជើញចូលរួម កិច្ចប្រជុំបណ្ដាញក្រុមការងារបច្ចេកទេសស្ដីពីការតាមដាន និងត្រួតពិនិត្យផ្កាថ្មនៅកម្ពុជា ក្រោមអធិបតីភាព លោក អ៊ុក វិបុល ប្រធាននាយកដ្ឋានអភិរក្សជលផលនៃក្រសួងកសិកម្ម រុក្ខប្រមាញ់ និងនេសាទ និងលោក Matthew Glue ប្រធានផ្នែកបច្ចេកទេសជីវចម្រុះ នៃអង្គការរុក្ខជាតិ និងសត្វព្រៃ ស្ថិតនៅភោជនីយដ្ឋានទន្លេបាសាក់ រាជធានីភ្នំពេញ ដោយមានការចូលរួមពី រដ្ឋបាលជលផល ខណ្ឌរដ្ឋបាលជលផលខេត្តកែប កោះកុង កំពង់សោម វិទ្យាស្ថានស្រាវជ្រាវ និងអភិវឌ្ឍន៍ជលផលសមុទ្រ អង្គការរុក្ខជាតិ និងសត្វព្រៃ អង្គការសម្ព័ន្ធភាពសត្វព្រៃ និងធម្មជាតិ អង្គការមូលនិធិសង្សា អង្គការអភិរក្សសមុទ្រកម្ពុជា សាកលវិទ្យាល័យភូមិន្ទកសិកម្ម សាកលវិទ្យាល័យភូមិន្ទភ្នំពេញ ក្រុមហ៊ុនមុជទឹកខ្មែរដាយគ្រុប ក្រុមហ៊ុន Bubble Up។ គោលបំណងនៃកិច្ចប្រជុំគឺ៖
១.ដេីម្បីផ្សារភ្ជាប់ទំនាក់ទំនងឡេីងវិញពីគ្រប់ភាគីពាក់ព័ន្ធជាមួយនឹងបណ្ដាញក្រុមការងារបច្ចេកទេសតាមដាន និងត្រួតពិនិត្យផ្កាថ្មនៅកម្ពុជា
២.ដេីម្បីចែករំលែកបទពិសោធន៍ និងចំណេះដឹងទៅលេីការអភិរក្សផ្កាថ្មនៅកម្ពុជា
៣.ដេីម្បីពិភាក្សា និងកែសម្រួលបច្ចុប្បន្នភាពលេីវិធីសាស្រ្តតាមដានត្រួតពិនិត្យផ្កាថ្មថ្នាក់ជាតិ
៤.ដេីម្បីសិក្ខាកាមទាំងអស់ព្រមព្រៀងលេីសេចក្ដីព្រាងស្ដីពីវិធីសាស្រ្តតាមដានត្រួតពិនិត្យផ្កាថ្មថ្នាក់ជាតិ និងចុះហត្ថលេខាលេីកិច្ចព្រមព្រៀង។
ថ្ងៃចន្ទ ១៤កេីត ខែភទ្របទ ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៦ ខែកញ្ញា ឆ្នាំ២០២៤
September 16, 2024
