ស្រុកកោះកុង៖ ព្រឹកថ្ងៃចន្ទ ១០ កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែកក្កដា ឆ្នាំ២០២៤ លោក អ៉ឹង បឺត ប្រធានការិយាល័យផែនការនិងគាំទ្រឃុំ-សង្កាត់ ស្រុកកោះកុង បានចូលរួមបើកសំណើ និងវាយតម្លៃសំណើដេញថ្លៃគម្រោងជួសជុលផ្លូវក្រាលក្រួសក្រហមធម្មជាតិ ប្រវែង ១ ៤០០ម៉ែត្រ ទទឹង ៨ម៉ែត្រ និងដាក់លូចំនួន ០២កន្លែង ដែលមានតម្លៃប៉ាន់ស្មាន ២០៥ ២៣២ ៧៣៧រៀល ដែលប្រើប្រាស់ថវិកាមូលនិធិឃុំតាតៃក្រោម សម្រាប់ឆ្នាំ២០២៤ នៅសាលាឃុំតាតៃក្រោម។
សមាសភាពចូលរួមមានមន្រ្តីបច្ចេកទេសសាលាខេត្តលោកមេឃុំ គណៈកម្មការលទ្ធកម្មឃុំ និងក្រុមហ៊ុនចូលរួមដេញថ្លៃ។
-ក្រុមហ៊ុនចូលរួមដេញថ្លៃរួមមាន ៖
១.លឹម ពិសិដ្ឋ ខនស្រ្តាក់សិន ឯ.ក
២.ម៉ៅ ចន្ថា
៣.ចំរើនរតនៈ លីលី ឯ.ក
៤.ប៊ួយ ប៊ុនសាន
៥.ពៅ ផល្លា
ជាលទ្ធផលនៃការដេញថ្លៃគម្រោង ក្រុមហ៊ុនដែលទទួលបានលទ្ធផលឈ្នះបានទៅលើក្រុមហ៊ុន ប៊ួយ ប៊ុនសាន លើតម្លៃទាបជាងគេលំដាប់ទី១ ចំនួន ១៦០ ០០០ ០០០៛(មួយរយហុកសិបលានរៀលគត់)
