រដ្ឋបាលស្រុកមណ្ឌលសីមា សូមបញ្ជាក់ជូនសាធារណៈជន ចំពោះករណី គណនីបណ្ដាញសង្គម ផេក Top Fan និង ផេក Huy Oudom ដែលបានបង្ហោះរូបភាពវីដេអូ ផ្លូវគ្រួសក្រហម នៅតំបន់គីរីវង្ស ភូមិចាំយាម ឃុំប៉ាក់ខ្លង ស្រុកមណ្ឌលសីមា កាលពី ថ្ងៃទី ១៦ ខែមិថុនា ឆ្នាំ២០២៤ បានជ្រាបដូចខាងក្រោម÷

• ចំពោះរូបភាពផ្លូវដីគ្រួសក្រហមដែលបានយកមកធ្វើការបង្ហោះនៅលើបណ្ដាញសង្គមនោះ គឺជារូបភាពវិដេអូចាស់កាលពីឆ្នាំ ២០២៣ ដែលបានបង្ហោះដោយគណនីហ្វេសប៊ុកផេកឈ្មោះ General Share តាំងពីថ្ងៃទី១៤ ខែកញ្ញា ឆ្នាំ២០២៣ ដែលគណនីហ្វេសប៊ុកផេកឈ្មោះ Top Fan និងគណនីហ្វេសប៊ុក ផេកឈ្មោះ Huy Oudom បានបំភ្លើសថាជារូបភាពបច្ចុប្បន្ន
  -បច្ចុប្បន្នផ្លូវដីគ្រួសក្រហមនេះអាជ្ញាធរឃុំ ស្រុក សហការជាមួយបងប្អូនប្រជាពលរដ្ឋនៅទីនោះ បានធ្វើការកែសម្រួល និងជួសជុលបានល្អ សម្រាប់សិស្សានុសិស្ស និងប្រជាពលរដ្ឋធ្វើដំណើរប្រកបដោយសុវត្ថិភាព
  -ការលើកឡើងនេះគឺខុសពីការពិតទាំងស្រុង និងបានធ្វើឱ្យប៉ះពាល់ដល់កិត្តិយសមន្រ្តីរាជការសាធារណ: នៃរដ្ឋបាលស្រុកមណ្ឌលសីមា ។ ម្យ៉ាងវិញទៀតករណីបងប្អូនប្រជាពលរដ្ឋ ពុំបាន ដឹងពីបញ្ហាជាក់ស្ដែងចេះតែចែករំលែកព័ត៌មានមិនពិតនេះ ទៅ តាមជនអគតិបំពុលសង្គមមួយចំនួន ដែលអាចធ្វើឱ្យប៉ះពាល់ដល់កិត្តិយសអង្គភាព ឬបុគ្គលដោយអចេតនា ។
  ចំពោះបញ្ហាទាំងនេះប្រសិនបើសាធារណ:ជនមានចម្ងល់ ឬមិនច្បាស់ សូមសរសេរដាក់ក្នុងប្រអប់សំបុត្របញ្ចេញមតិបណ្ដឹងតវ៉ា របស់ប្រជាពលរដ្ឋ នៅតាមសាលាឃុំទាំងបី និងសាលាស្រុកផ្ទាល់ ឬអាចធ្វើការទំនាក់ទំនងមកកាន់ហ្វេសប៊ុកផេកផ្លូវការរបស់ រដ្ឋបាលស្រុកមណ្ឌលសីមា (www.tacebook.com/mondolseima) ដើម្បីឆ្លើយតប និងបំភ្លឺជូន ។