រដ្ឋបាលខេត្តកោះកុង

នៅថ្ងៃសុក្រ ២រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៨ ខែឧសភា ឆ្នាំ២០២០ លោកស្រី ស៊ិន ចរិយា អនុប្រធានគណៈកម្មាធិការ អនុសាខាកាកបាទក្រហមកម្ពុជា ក្រុងខេមរភូមិន្ទ តំណាងអោយលោកប្រធានអនុសាខានិងសហការី បានផ្តល់អំណោយជាគ្រឿងឧបភោគបរិភោគ និងថវិកាមួយចំនួន ជូនគ្រួសារជួបការលំបាក ០១គ្រួសារ រស់នៅភូមិ១ សង្កាត់ដងទង់ ក្រុងខេមរភូមិន្ទ ខេត្តកោះកុង ។នាឱកាសនោះលោកស្រីអនុប្រធាន បាន​ពាំនាំនូវ​ប្រសាសន៍ផ្ដាំផ្ញើសួរសុខទុក្ខពីសំណាក លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង ពិសេស​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក​ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដែលកំពុងជួបការ លំបាក ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយនិង សូមបងប្អូនទាំងអស់គ្នា ក៏ដូចជាក្រុមគ្រួសារកុំអស់សង្ឃឹម ត្រូវបន្តការថែទាំសុខភាព ហូបស្អាត ផឹកស្អាត និង រស់នៅស្អាត ។សម្ភារៈរដែលអនុសាខាបានផ្ដល់ជូនរួមមាន៖
អង្ករ២៥គក្រ ទឹកត្រីទន្សាយ២ដប ទឹកស៊ីអ៉ីវ ២ដប អំបិល២គ.កស្ករស ១គ.ក ទឹកដោះគោខាប់ ៤កំប៉ុង តែ៥កញ្ចប់ ម៉ាស់ចំនួន៥ ទឹកអាល់កុល១លីត្រ និងថវិកាចំនួន៥ម៉ឺនរៀល។

#ប្រភពពី:រដ្ឋបាលក្រុងខេមរភូមិន្ទ#