លោក ង៉ែត ឡឹង បាន ប្រធានមន្ទីរអប់រំ យុវជន និងកីឡាខេត្តកោះកុង បានដឹកនាំការិយាល័យជំនាញ លោកនាយក អាណាព្យាបាល ព្រមទាំងសិស្សទទួលបាននិទ្ទេសA ចំនួន៣នាក់ ស្រី០២នាក់ មកពីវិទ្យាល័យចំណេះទូទៅ និងបច្ចេកទេសតេជោសែន កោះកុង និងវិទ្យាល័យថ្មស សម័យប្រឡង៖ ០៦ វិច្ឆិកា ២០២៣ មានរាយនាមដូចខាងក្រោម៖
- ឆាយ ច័ន្ទបូរមី ភេទ ស្រី លំដាប់ពិន្ទុ ៩៩.២៨០ មកពីវិទ្យាល័យចំណេះទូទៅ និងបច្ចេកទេសកោះកុង
- ឆុន ស្រីណាត់ ភេទ ស្រី លំដាប់ពិន្ទុ ៩៩.១៣៥ មកពីវិទ្យាល័យចំណេះទូទៅ និងបច្ចេកទេសកោះកុង
- មាស រតនៈវិភូ ភេទ ប្រុស លំដាប់ពិន្ទុ ៩៨.៩៦៣ មកពីវិទ្យាល័យថ្មស
អញ្ជើញចូលសម្តែងការគួរសមជាមួយលោកជំទាវ ឈី វ៉ា អភិបាលរងខេត្តកោះកុង និងទទួលថវិកាលើកទឹកចិត្តចំនួន ៤លានរៀល ដែលជាថវិកាឧបត្ថម្ភផ្ទាល់របស់លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង និងម៉ូតូម្នាក់ ០១គ្រឿងដែលជាអំណោយរបស់សម្តេចពិជ័យសេនា ទៀ បាញ់ ឧបត្ថម្ភដោយក្រុមហ៊ុន រ៉ូយ៉ាល់ គ្រុប (Royal Group) នៅសាលាខេត្តកោះកុង។
ថ្ងៃអង្គារ ១៥រោច ខែកត្តិក ឆ្នាំថោះ បញ្ចស័ក ពុទ្ឋសករាជ ២៥៦៧
ត្រូវនឹងថ្ងៃទី១២ ខែធ្នូ ឆ្នាំ២០២៣
អត្ថបទដោយ៖ ឡុច ភារុន
