លោក សុខ សុទ្ធី អភិបាលរង នៃគណៈអភិបាលខេត្តកោះកុង អញ្ជើញចូលរួមសិក្ខាសាលាផ្សព្វផ្សាយផែនទីបង្ហាញផ្លូវ ស្តីពី ទីក្រុងស្អាត និងប្រកាសការចាប់ផ្តើមអនុវត្តគម្រោង City For All

លោក សុខ សុទ្ធី អភិបាលរង នៃគណៈអភិបាលខេត្តកោះកុង ដោយមានការអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចូលរួមសិក្ខាសាលាផ្សព្វផ្សាយផែនទីបង្ហាញផ្លូវ ស្តីពី ទីក្រុងស្អាត និងប្រកាសការចាប់ផ្តើមអនុវត្តគម្រោង City For All ដែលសិក្ខាសាលានេះរៀបចំឡើងដោយក្រសួងមហាផ្ទៃ។ សិក្ខាសាលានេះ មានគោលបំណងផ្សព្វផ្សាយដល់រាជធានី ខេត្ត តំណាងក្រសួងពាក់ព័ន្ធ និងដៃគូអភិវឌ្ឍន៍មួយចំនួន នូវសេចក្តីសម្រេចរបស់ក្រសួងមហាផ្ទៃ ស្តីពីការដាក់ឱ្យប្រើប្រាស់ផែនទីបង្ហាញផ្លូវដើម្បីកំណត់ទស្សនទានអំពីការអភិវឌ្ឍទីក្រុងឆ្លាតសម្រាប់រដ្ឋបាលថ្នាក់ក្រោមជាតិ និងផ្សព្វផ្សាយអំពីការចាប់ផ្តើមគម្រោង City For All ។
ថ្ងៃអង្គារ ១២ រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១២ ខែកញ្ញា ឆ្នាំ២០២៣ September 12, 2023