លោក សុខ ភិរម្យ អភិបាលស្រុក និងជាប្រធានគណៈ កម្មាធិការអនុសាខាកាកបាទក្រហមកម្ពុជា ស្រុកមណ្ឌល សីមា និងក្រុមការងារថ្នាក់ស្រុកចុះជួយឃុំទួលគគីរ និងមន្រ្តីរាជការសាលាស្រុក បាននាំយកអំណោយនិងថវិកាចូលរួមរំលែកទុក្ខជាមួយគ្រួសារសពលោកយាយ នួន ហ្វែង ភេទស្រី អាយុ៨៣ឆ្នាំ នៅភូមិ៣ ឃុំប៉ាក់ខ្លង ស្រុកមណ្ឌលសីមា ខេត្តកោះកុង (សពតម្កល់នៅវត្តតាចាត ឃុំទួលគគីរ) ។
ក្នុងឱកាសនោះលោក ប្រធានគណៈកម្មាធិការអនុសាខា និងក្រុមការងារ បានពាំនាំនូវ ប្រសាសន៍ផ្ដាំផ្ញើចូលរួមរំលែកទុក្ខពី លោកជំទាវ មិថុនា ភូថង ប្រធានគណៈកម្មា ធិការសាខា ឯកឧត្តម ប៊ុន លើត ប្រធានកិត្តិយសសាខា ពិសេស សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយក ចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដែលកំពុងជួបការ លំបាកពិសេសជនពិការ ចាស់ជរាងាយរងគ្រោះ ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។
ជាមួយគ្នានេះក្រុមការងារក៏បានផ្តាំផ្ញើដល់បងប្អូនត្រូវថែទាំសុខភាព ឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ក្នុងការប្រកបរបរចិញ្ចឹមជីវិតប្រចាំថ្ងៃអោយកាន់តែប្រសើរតទៅថ្ងៃមុខ និងបានអំពាវនាវដល់ប្រជាពលរដ្ឋទាំងអស់ ពិសេសចូលរួមទប់ស្កាត់ជំងឺកូវីដ-១៩ ត្រូវប្រុងប្រយ័ត្នចំពោះជំងឺគ្រុនឈាម ជំងឺឆ្លងនានា ព្រមទាំងត្រូវចូលរួមគោរពច្បាប់ចរាចរណ៍ទាំងអស់គ្នា ដើម្បីសេចក្តីសុខ និងសុភមង្គលក្នុងក្រុមគ្រួសារ ។
សម្ភារដែលអនុសាខាប្រគល់ជូនមាន ÷អង្ករ២០គ.ក ទឹកសុទ្ធ០២យួរ គ្រឿងឧបភោគបរិភោគ០១កញ្ចប់ និងថវិកា ១០០,០០០រៀល ក្នុងនោះក៏មានថវិកា ÷
- លោកអភិបាលស្រុក ចំនួន ១០០,០០០រៀល
- លោក ប៉ែន ប៊ុនឈួយ អភិបាលរងស្រុក ចំនួន ១០០,០០០រៀល
- លោក រស់ ស៊ីថា ប្រធានការិយាល័យដ.ន.ស.ភ ស្រុក ចំនួន ១០០,០០០រៀល
- លោក សារីម ហ្វារីត ប្រធានមន្ទីរពាណិជ្ជកម្មខេត្ត ចំនួន ១០០,០០០រៀល
- មន្រ្តីរាជការសាលាស្រុកមណ្ឌលសីមា ១៥០,០០០រៀល
សរុបចំនួន ៦៥០,០០០រៀល ។
ថ្ងៃព្រហស្បតិ៍ ១កើត ខែពិសាខ ឆ្នាំថោះ បញ្ចស័ក ព.ស ២៥៦៦
ត្រូវនឹងថ្ងៃទី២០ ខែមេសា ឆ្នាំ២០២៣
