ឃុំត្រពាំងរូង៖ ព្រឹកថ្ងៃ អង្គារ ៨កើត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១ ខែវិច្ឆិកា ឆ្នាំ២០២២ យោងតាមការចាត់តាំងលោក ផន ឆៃវិរ៉ាត់ ជា
ជំនួយការហិរញ្ញត្រូវឃុំត្រពាំងរូង និងជាជនបង្គោលព័ត៌មានវិទ្យាឃុំត្រពាំងរូង បាអញ្ជើញចូលរួមវគ្គបណ្តុះបណ្តាល ស្ដីពីការរៀបចំព័ត៌មានវិទ្យាសង្គមនានារួមមាន គេហទំព័រ ហ្វេសប៊ុក និងតេឡេក្រាម នៅសាលប្រជុំសាលាស្រុកកោះកុង
គោលបំណង នៃវគ្គបណ្តុះបណ្តាល៖
១/ដើម្បីពង្រឹងការចូលរួមអភិវឌ្ឍន៍ វេបសាយ និងហ្វេកបុកផេក របស់រដ្ឋបាលខេត្តកោះកុង និងរដ្ឋបាលស្រុកកោះកុង អោយបានកាន់តែទូលំទូលាយ និងមានប្រសិទ្ធភាពខ្ពស់ ព្រមទាំងទទួលបានលទ្ធផលល្អប្រសើរ
២/ពង្រឹងសមត្ថភាពរបស់មន្ត្រី ក្នុងការផ្តល់ព័ត៌មាន លើកទឹកចិត្ត ដល់មន្ត្រីទទួលបន្ទុក ដូចជាសម្ភារ ធនធាននានា ដែលគាំទ្រដល់ដំណើការ និងយន្តការនៃការរៀបចំព័ត៌មាន
៣/មន្តី្ររាជការ អ្នកពាក់ព័ន្ធទាំងអស់ក្នុងអង្គភាពត្រូវមានកិច្ចសហការយ៉ាងជិតស្និទ្ធ ដើម្បីផ្តល់ព័ត៌មានរបស់ខ្លួនដល់មន្ត្រីទទួលបន្ទុកអោយបានទាន់ពេលវេលា និងគ្រប់ជ្រុងជ្រោយ
ជាមួយគ្នានេះដែរ ត្រូវផ្តល់កិច្ចសហការ អោយកាន់តែល្អប្រសើរបន្ថែមទៀត ជាមួយ មន្ត្រីជំនាញទទួលបន្ទុកគ្រប់គ្រង វេបសាយ និងហ្វេកបុកផេក របស់រដ្ឋបាលខេត្តកោះកុង និងក្រុមការងាររដ្ឋបាលស្រុក អោយបានពេញលេញ និងមានតម្លា ព្រមទាំងចូលរួម ឆ្លើយតបអោយបានសមស្រប និងទាន់ពេលវេលា។
