លោក សុខ ភិរម្យ អភិបាលស្រុក និងលោកស្រី គង់ វាសនា អនុប្រធានគណៈកម្មាធិការអនុសាខា លោកមេឃុំប៉ាក់ខ្លង បានដឹកនាំក្រុមការងារមកទទួលទេយ្យទានពី ព្រះតេជគុណ សាម ដុង ព្រះគ្រូចៅ អធិការវត្តនិគ្រោធារាម (ហៅវត្តចាំយាម) ដែលព្រះអង្គមានទឹកព្រះទ័យបរិច្ចាគទេយ្យទានជាគ្រឿងឧបភោគបរិភោគ និងបច្ច័យចំនួន៥០០,០០០រៀល ក្នុងនោះរួមមានអង្ករ ០៦បាវ ស្មើ៦០០គ.ក គ្រឿងកំប៉ុង០២បាវ ទឹកត្រី០៦កេស ស្ករស០១បាវ ត្រីខ០១កេស ទឹកដោះគោ៥០កំប៉ុង ប្រេងឆា ០៤ដប ទឹកសុទ្ធ ៥០យួរ ជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ ។
ក្នុងឱកាសនោះលោកអភិបាលស្រុក និងលោកស្រីអនុប្រធានគណៈកម្មាធិការអនុសាខា សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគុណ ព្រះគ្រូចៅ អធិការវត្តដែលមានទឹកព្រះទ័យជ្រះថ្លាបរិច្ចាគជាថវិកា និងទេយ្យទានជាគ្រឿងឧបភោគបរិភោយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខា ។
ថ្ងៃពុធ ១០កើត ខែអស្សុជ ឆ្នាំខាល ចត្វាស័ក ព.ស ២៥៦៦
ត្រូវនឹងថ្ងៃទី០៥ ខែតុលា ឆ្នាំ២០២២
