រដ្ឋបាលខេត្តកោះកុង

ថ្ងៃសៅរ៍ ១៤រោច ខែភទ្របទ  ឆ្នាំខាល ចត្វាស័ក ពស២៥៦៦ ត្រូវនិងថ្ងៃទី២៤  ខែកញ្ញា ឆ្នាំ២០២២ នៅវេលាម៉ោង ០៨,០០នាទីព្រឹក លោក ប្រាក់  វិចិត្រ  អភិបាល នៃគណៈអភិបាលក្រុងខេមរភូមិន្ទ បានដឹកនាំលោក លឹម ឌី ចៅសង្កាត់ដងទង់  និងលោកចៅសង្កាត់រងទី១  សមាជិកក្រុមប្រឹក្សាសង្កាត់ លោកអនុភូមិ៤  ព្រមទាំងប្រជាការពារសង្កាត់ ចូលរួមជាមួយសមាគមសម្ព័ន្ធយុវជនមូស្លីមកម្ពុជាខេត្តកោះកុង អញ្ជើញចុះសំណេះសំណាល សួរសុខទុក្ខ និងនាំយកអំណោយ ដែលបានមកពីការជួយឧបត្ថម្ភរបស់លោក បណ្ឌិត រ៉ស ម៉ានសះរី ប្រធានអង្គការមូលនិធិអាស៊ានដើម្បីការអប់រំ និងអភិវឌ្ឍន៍  ដែលបានផ្តល់តាមរយ:លោក សុះ  ម៉ាត់លី  ប្រធានសមាគមសម្ព័ន្ធយុវជនមូស្លីមកម្ពុជា និងតាមរយៈលោក លឹម ឌី ចៅសង្កាត់ដងទង់ ដើម្បីផ្តល់ជូនប្រជាពលរដ្ឋដែលគាត់មានជីវភាពខ្វះខាតតាមខ្នងផ្ទះ ស្ថិតនៅភូមិ៤ សង្កាត់ដងទង់ សរុបមានចំនួន២៩ខ្នងផ្ទះ នៅក្នុងមួយខ្នងផ្ទះៗ ទទួលបាន ៖ អង្ករ៣០គក្រ  , មី៥កញ្ចប់  ,  ស្កសរកន្លះគក្រ  ,  និងប្រេងឆា១ដប  សរុបថវិកាក្នុង១ខ្នងផ្ទះស្មើ២៥ដុល្លារ  សរុបរួមទាំង២៩ខ្នងផ្ទះ( ២៩គ្រួសារ) ស្មើថវិកា ៧២៥ដុល្លារ ។

#ប្រភពពីរដ្ឋបាលក្រុងខេមរភូមិន្ទ។