សេចក្តីជូនដំណឹង ស្តីពី ការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋានជូនកុមារអាយុចាប់ពី ៣ឆ្នាំឡើងទៅ និងប្រជាពលរដ្ឋអាយុចាប់ពី១៨ឆ្នាំឡើងទៅ និងបង្កើនការចាក់ដូសទី៣ និងដូសទី៤ (ដូសជំរុញ) នៅទូទាំងខេត្តកោះកុង
មន្ទីរសុខាភិបាលខេត្តកោះកុង សូមជម្រាបជូនដំណឹងដល់មាតាបិតា អាណាព្យាបាល និងបងប្អូនប្រជាជនទាំងអស់ ឱ្យបានជ្រាបថា ដើម្បីបង្កើនឱ្យមានភាពស៊ាំរបស់បុគ្គល ក៏ដូចជាបង្កើនភាពស៊ាំក្នុងសហគមន៍ ទប់ទល់នឹងការឆ្លងរាលដាលនៃជំងឺកូវីដ-១៩ ពិសេសមេរោគកូវីដ-១៩ បំប្លែងថ្មី ឱ្យបានខ្ពស់ មន្ទីរសុខាភិបាលខេត្តកោះកុង សូមជម្រាបដោយទទូចដល់មាតាបិតា អាណាព្យាបាល និងបងប្អូនប្រជាជនទាំងអស់ សូមអញ្ជើញទៅទទួលវ៉ាក់សាំងបង្ការជំងឺកូវីដ-១៩ ដូសទី១,ដូសទី២ (ដូសមូលដ្ឋាន) និងដូសទី៣,ដូសទី៤ ឬដូសជំរុញ ដែលមិនទាន់បានទទួលគ្រប់ចំនួនស្របតាមពេលវាកំណត់ នៅតាមទីតាំង និងមណ្ឌលសុខភាព ដែលនៅជិតបងប្អូនបំផុត ។
សម្រាប់ព័ត៌មានបន្ថែម សូមទាក់ទង មន្ត្រីសុខាភិបាល អាជ្ញាធរមូលដ្ឋានដែលនៅជិតលោកអ្នកបំផុត។
✍️ចង់បានព័ត៌មានថ្មីពិត សូមអញ្ជើញចូលរួម Subscribe Telegram
https://t.me/PHDKK
