ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចូលរួមពិធីបើកសន្និបាតត្រួតពិនិត្យលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងមានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ស្ថាប័នពាក់ព័ន្ធ។ សន្និបាតនេះមានរបៀបវីរៈសំខាន់ៗ ដូចខាងក្រោម÷

(១) ការរាយការណ៍ សេចក្តីសង្ខេប លទ្ធផលការងារប្រចាំឆ្នាំ ២០២១ និងលើកទិសដៅការងារឆ្នាំ២០២២

(២)លទ្ធផលការងារប្រឡងប្រណាំងអនុវត្តគោលនយោបាយ "ភូមិ ឃុំ សង្កាត់ មានសុវត្ថិភាព"

(៣) កិច្ចពិភាក្សាលទ្ធផលការងារ តាមវិស័យ និងចែករំលែកបទពិសោធន៍ ក្នុងការដោះស្រាយបញ្ហាប្រឈម

អង្គសន្និបាតនេះត្រូវបានប្រារព្ធធ្វើនៅសណ្ឋាគាររ៉េស៉ីដង់ សុខាភ្នំពេញ ចាប់ពីថ្ងៃទី២២ ដល់២៣ ឆ្នាំ២០២២។