កាលពីព្រឹកថ្ងៃអង្គារ ២ កើត ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៤ ខែមករា ឆ្នាំ២០២២ សាលប្រជុំមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង លោក រស់ វីរ៉ាវុធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង បានអញ្ជើញដឹកនាំកិច្ចប្រជុំតាមដានវឌ្ឍនភាពការងាររៀបចំដែនដីនគរូបនីយកម្ម ការងារសំណង់ និងការងារចុះបញ្ជីដីធ្លី និងលើកទិសដៅការងារបន្ត ដោយមានការចូលរួមពីអនុប្រធានមន្ទីរ ប្រធានការិយាល័យ និងមន្រ្តីទាំងអស់នៃមន្ទីរ។