លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំ ដើម្បីពិនិត្យលទ្ធភាព ចាក់វ៉ាក់សាំងកូវីដ-១៩ នៅខេត្តកោះកុង។
លោកជំទាវអភិបាលខេត្ត សូមសមាជិកអង្គប្រជុំពិនិត្យ និងផ្ទៀងផ្ទាត់ទិន្នន័យជាក់ស្តែង និងពិនិត្យលទ្ធភាពរៀបចំទីតាំងសម្រាប់ចាក់វ៉ាក់សាំង ព្រមទាំងត្រៀមរៀបចំសេចក្តីជូនដំណឹង ដល់ប្រជាពលរដ្ឋដែលមិនទាន់បានចាក់វ៉ាក់សាំងកូវីដ-១៩ ដោយធ្វើយ៉ាងណាជម្រុញអាជ្ញាធរក្រុង ស្រុក ឃុំ សង្កាត់ អប់រំ ផ្សព្វផ្សាយ ដល់ប្រជាពលរដ្ឋដែលមានអាយុចាប់ពី១២ ឡើង នៅក្នុងមូលដ្ឋានឱ្យមកចាក់វ៉ាក់សាំងឱ្យបានគ្រប់ៗគ្នា តាមទីតាំង និងកាលបរិច្ឆេទ៕
