កោះកុង,ថ្ងៃព្រហស្បតិ៍-សុក្រ ៤-៥ កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១២-១៣ ខែសីហា ឆ្នាំ២០២១ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានសហការជាមួយរដ្ឋបាលស្រុកកោះកុង ដើម្បីបើកវគ្គបណ្ដុះបណ្ដាល ស្ដីពីការកំណត់អត្តសញ្ញាណកម្មជនមានពិការភាព តាមគំរូសង្គម និងសិទ្ធិជាមូលដ្ឋាន ក្នុងស្រុកកោះកុង ចំនួន ០៤ឃុំ និងមានអ្នកចូលរួមចំនួន ១០នាក់ ស្រី ០៣នាក់ ក្រោមអធិបតីភាពលោក សុខ ភិរម្យ អភិបាលរងនៃគណអភិបាលស្រុកកោះកុង នៅសាលាស្រុកកោះកុង ។