ស្រុកកោះកុង ៖ ថ្ងៃពុធ ៤ រោច ខែទុតិយាសាឍ ឆ្នាំឆ្លូវ ត្រីស័កពុទ្ធសករាជ ២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១ រដ្ឋបាលស្រុកកោះកុងបានចេញសេចក្តីសម្រេចលេខ០១៧/២១ ស.ស.រ ស្តីពី ការបង្កើតក្រុមការងារ និងអនុក្រុមការងារប្រយុទ្ធប្រឆាំងនឹងជំងឺកូវីដ-១៩ ស្រុកកោះកុង ខេត្តកោះកុង ដើម្បីគ្រប់គ្រងដឹកនាំរួម និងសម្របសម្រួលការអនុវត្តវិធានការជាអន្តរវិស័យទូទៅជាមួយភ្នាក់ងារពាក់ព័ន្ធនានានៅតាមមូលដ្ឋាន ផ្ដល់ការប្រឹក្សាយោបល់ដល់អនុក្រុមការងារប្រយុទ្ធប្រឆាំងនឹងជំងឺកូវីដ-១៩ នៅតាមបណ្ដាឃុំ ទាំង៤ អំពីនីតិវិធី របៀបរបប នៃការចាត់ចែងការងារ នៅមូលដ្ឋានឱ្យដំណើរការដោយរលូន ជាមួយការផ្តល់ការណែនាំដល់ក្រុមការងារប្រយុទ្ធប្រឆាំងនឹងជំងឺកូវីដ-១៩ នូវការអនុវត្តវិធានការការពាររបស់ក្រសួងសុខាភិបាល និងវិធានការការពាររបស់រាជរដ្ឋាភិបាលកម្ពុជា "៣ការពារ និង៣កុំ" ឱ្យមានប្រសិទ្ធិភាពខ្ពស់នៅតាមមូលដ្ឋាន។ ធ្វើការសម្របសម្រួល ការអនុវត្តការងារ នីតិវិធីប្រតិបត្តិការគ្រប់គ្រង ការថែទាំ និងការព្យាបាលអ្នកជំងឺកូវីដ-១៩ នៅមណ្ឌលព្យាបាល និងនៅតាមផ្ទះឱ្យបានជាប់ជាប្រចាំនៅតាមគោលដៅនីមួយៗ ទាំងក្នុងសភាពការណ៍ធម្មតា និងសភាពការណ៏បន្ទាន់ចាំបាច់ និងរៀបចំទីតាំងសម្រាប់ព្យាបាលអ្នកជំងឺកូវីដ-១៩ ដោយការសហការគ្នាជាមួយអនុក្រុមការងារប្រយុទ្ធប្រឆាំងនឹងជំងឺកូវីដ-១៩ ឃុំគោលដៅនីមួយៗ ព្រមទាំងធ្វើការតាមដានត្រួតពិនិត្យការធ្វើចត្តាឡីស័កប្រជាពលរដ្ឋដែលបានចេញចូលក្នុងសហគមន៍ឱ្យបានម៉ឺងម៉ាត់តាមការណែនាំរបស់ក្រសួងសុខាភិបាល។
