រដ្ឋបាលខេត្តកោះកុង

ស្រុកកោះកុង: រដ្ឋបាលឃុំជ្រោយប្រស់ នៅថ្ងៃអាទិត្យ ៨កើត ខែចែត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែមិនា ឆ្នាំ២០២១ វេលាម៉ោង ៤:១៥ នាទីរសៀល លោក ពុំ ធឿន មេឃុំជ្រោយប្រស់ បានដឹកនាំក្រុមការងារឃុំរួមមាន: សមាជិកក្រុមប្រឹក្សាឃុំ កម្លាំងប៉ុស្តិ៍នគរបាលរដ្ឋបាលឃុំ មន្ត្រីប៉ុស្តិ៍សុខភាពឃុំ បានចុះពិនិត្យ និងវាស់កម្តៅ ប្រជាពលរដ្ឋចំនួន ០១គ្រួសារ ដែលក្នុងនោះមានឈ្មោះ ចាន់ នឿន ភេទស្រី អាយុ ៤៨ឆ្នាំ ទើបតែមកពីខេត្តកំពង់សោម មកផ្ទះបងប្អូននៅចំណុចថ្មពាង ក្នុងភូមិជ្រោយប្រស់ បានមកប៉ះពាល់អ្នកក្នុងផ្ទះទាំងក្មេង ទាំងចាស់ ចំនួន០៧នាក់ ។ បន្ទាប់ពីបានពិនិត្យ និងវាស់កម្តៅរួច លោកមេឃុំបានធ្វើការណែនាំ និងដាក់អោយធ្វើចត្តាឡីស័កនៅផ្ទះបងប្អូនរបស់គាត់ ស្ថិតនៅចំណុចថ្មពាង ភូមិជ្រោយប្រស់ ឃុំជ្រោយប្រស់ ស្រុកកោះកុង។

ប្រភព: សន សេង