នាយប់ថ្ងៃទី០៩ ខែមីនា ឆ្នាំ២០២១

មន្រ្តីមន្ទីរទេសចរណ៍ សហការជាមួយកម្លាំងគណៈបញ្ជាការខេត្ត កងរាជអាវុធហត្ថ ដឹងនាំដោយលោក ឈឹម ចិន អភិបាលរងក្រុងខេមរភូមិន្ទ បានចុះត្រួតពិនិត្យតាមមណ្ឌលកម្សាន្តមនុស្សពេញវ័យ KTV បៀរហ្គាលឌិន ឱ្យផ្អាកដំណើរការបណ្តោះអាសន្ន និងមួយចំនួនទៀតបានចូលរួមសហការ និងអនុវត្តតាមវិធានសុវត្ថិភាពទេសចរណ៍បានល្អ។ ក្រុមការងារក៏បានរំលឹកបន្ថែមអោយម្ចាស់អាជីវកម្មទាំងអស់ពង្រឹងបន្ថែមនូវការអនុវត្តតាមការណែនាំរបស់ក្រសួងសុខាភិបាល និងក្រសួងទេសចរណ៍អោយបានខ្ជាប់ខ្ជួនរហូតដល់មានការជូនដំណឹងសារជាថ្មី។

សូមក្រើនរំលឹកថា ទីតាំងមណ្ឌលកម្សាន្តមនុស្សពេញវ័យណាដែលលួចលាក់បើកបន្ទប់ខារ៉ាអូខេច្រៀង បំពាននឹងសេចក្តីណែនាំរបស់រាជរដ្ឋាភិបាល នឹងត្រូវប្រឈមនឹងការដកហូតអាជ្ញាបណ្ណ និងផ្លូវច្បាប់ជាធរមាន។