រដ្ឋបាលខេត្តកោះកុង

លោក ផៃធូន ផ្លាមកេសន អភិបាលខេត្តស្តីទី បានអញ្ជើញ ជាអធិបតី ក្នុងពិធីបើកការដ្ឋានសាងសង់ផ្លូវមេតុងអាមេ ចំនួន ០៥ ខ្សែ ប្រវែង ៣,០០០ ម៉ែត្រ នៅក្នុងសង្កាត់ស្ទឹងវែង និងសង្កាត់ស្មាច់មានជ័យ ក្រុងខេមរភូមិន្ទ។

លោកអភិបាលខេត្តស្តីទី បានលើកឡើងថា ផ្លូវបេតុងអាមេ ប្រវែង ៣,០០០ ម៉ែត្រ នាពេលនេះ ជាគម្រោងវិនិយោគ របស់រដ្ឋបាលខេត្តកោះកុង ឆ្នាំ២០១៩ សម្រាប់គម្រោងសាងសង់ផ្លូវបេតុងប្រចាំឆ្នាំ ត្រូវបានសាងសង់ជាជំហានៗ តាមដំណាក់កាល ដូច្នេះត្រូវបែងចែកទៅតាមបណ្តាសង្កាត់ផ្សេងៗ ជាការពិតណាស់ផ្លូវដែលបើកការដ្ឋាននាពេលនេះពិតជាបម្រើផលប្រយោជន៍ ដល់ប្រជាពលរដ្ឋ ក្នុងមូលដ្ឋាន សម្រាប់ការធ្វើដំណើរ ការដឹកជញ្ជូននានា ដើម្បីអោយផ្លូវប្រើប្រាស់បានយូរអង្វែង សូមបងប្អូនជួយថែរក្សាទាំងអស់គ្នា និងជួយទប់ស្កាត់ការដឹកលើសទម្ងន់ផងដែរ ព្រមទាំងផ្តល់ព័ត៌មាន ដល់អាជ្ញាធរពាក់ព័ន្ធ។