ថ្ងៃពុធ ៦ រោច ខែមាឃ ឆ្នាំជូតទោស័ក ព.ស ២៥៦៤
ត្រូវនឹងថ្ងៃទី៣ ខែកុម្ភៈ ឆ្នាំ២០២១
«««»»»
មន្ទីរធម្មការ និងសាសនាខេត្តកោះកុង ដោយមានការចង្អុលបង្ហាញពីទីចាត់ការធនធានមនុស្ស នៃរដ្ឋបាលខេត្តកោះកុង ក្នុងការរៀបចំពិធីប្រគល់នូវដីកាតែងតាំង និងប្រគល់ភារកិច្ចជូនមន្ត្រីរាជការ នៃមន្ទីរធម្មការ និងសាសនាខេត្តកោះកុង ដែលមានលោក អ៊ូច ទូច ប្រធានមន្ទីរជាអធិបតី និងមានការនិមន្តចូលរួមជាគណៈអធិបតី ពីព្រះគ្រូសច្ចវីរោ មៀត វ៉ាន់ ព្រះធម្មធរគណ នៃគណៈមហានិកាយខេត្តកោះកុង តំណាងព្រះសាលាគណគណៈមហានិកាយ ព្រះគ្រូ សន អូន ព្រះលេខាគណ នៃគណៈធម្មយុត្តិកនិកាយ និងមានការអញ្ជើញចូលរួមពីតំណាងពាហិរសាសនា(ឥស្លាមសាសនា និងគ្រឹស្គសាសនា)។ ពិធីនេះបានប្រារព្ធនៅសាលាប្រជុំនៃមន្ទីរធម្មការ និងសាសនាខេត្តកោះកុង។
