រដ្ឋបាលខេត្តកោះកុង

គណៈកម្មការដ្ឋបាលខេត្ត ដឹកនាំដោយ លោក ផៃធូន ផ្លាមកេសន អភិបាលរង នៃគណៈអភិបាលខេត្តកោះកុង និងជាប្រធានគណៈកម្មការរដ្ឋបាល បានបើកកិច្ចប្រជុំពិភាក្សា និងពិគ្រោះយោបល់ ដើម្បីកំណត់ទំហំផ្លូវ អូរ ប្រឡាយ ព្រែក ដែលស្ថិតនៅក្នុងភូមិសាស្ត្រ នៃភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ កិច្ចប្រជុំនោះមានការអញ្ជើញចូលរួមពី តំណាងមន្ទីរ អង្គភាពពាក់ព័ន្ធដូចជា រួមមាន មន្ទីររៀបចំដែនដី នគរូបនីយកម្ម និងសំណង់ខេត្ត មន្ទីរសាធារណៈការ និងដឹកជញ្ជូនខេត្ត មន្ទីរធនធានទឹក និងឧតុនិយមខេត្ត អាជ្ញាធរក្រុង ចៅសង្កាត់ស្មាច់មានជ័យ និងក្រុមប្រឹក្សាសង្កាត់ មេភូមិ២ ព្រមទាំងមន្រ្តីរាជការ ក្រុមការងារវាស់វែង ជាប្រព័ន្ធ នៃមន្ទីររៀបចំដែនដី នគរូបនីយកម្ម និងសំណង់ខេត្ត ដែលរៀបចំ នៅសាលាសង្កាត់ស្មាច់មានជ័យ