រដ្ឋបាលខេត្តកោះកុង

លោក ទី យោង មេឃុំដងពែង បានចាត់លោក កៅ ប៊ុនថាន់ ជំទប់ទី១ ឃុំដងពែង ដឹកនាំសមាជិកក្រុមប្រឹក្សាឃុំ មេភូមិ និងសមាជិកភូមិ អញ្ជើញចូលរួមរំលែកទុក្ខ និងសម្តែងការសោកស្តាយជាមួយក្រុមគ្រួសារសព លោកស្រី រ៉ា ស្រីរ័ត្ន និងលោក សៅ ហេងហ៊ួ ដែលជាគូស្វាមីភរិយា និងបានទទួលមរណភាពដោយសារគ្រោះថ្នាក់ចរាចរណ៍ កាលពីថ្ងៃទី៣០ ខែកញ្ញា ឆ្នាំ២០២៦។

ក្នុងឱកាសដ៏ក្រៀមក្រំនេះ រដ្ឋបាលឃុំដងពែង បាននាំយកបច្ច័យ និងសម្ភារៈឧបត្ថម្ភមួយចំនួន ដើម្បីចូលរួមរំលែកទុក្ខ និងជួយសម្រាលការលំបាករបស់ក្រុមគ្រួសារសព រួមមាន៖

• បច្ច័យចំនួន ២២០,០០០ រៀល

• អង្ករ ១បាវ ស្មើ ៥០ គីឡូក្រាម

• ទឹកបរិសុទ្ធ ១០យួរ

• ទឹកត្រី ១យួរ

• ទឹកស៊ីអ៊ីវ ១យួរ

• ស្ករស ១គីឡូក្រាម

• ប៊ីចេង ១កញ្ចប់

រដ្ឋបាលឃុំដងពែង សូមចូលរួមសោកស្តាយ និងរំលែកទុក្ខយ៉ាងក្រៀមក្រំជាទីបំផុតជាមួយក្រុមគ្រួសារសព។ សូមដួងវិញ្ញាណក្ខន្ធរបស់លោកស្រី រ៉ា ស្រីរ័ត្ន និងលោក សៅ ហេងហ៊ួ បានទៅកាន់សុគតិភព កុំបីឃ្លៀងឃ្លាតឡើយ។ 🙏🕊️

___________

នៅព្រឹកថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែតុលា ឆ្នាំ២០២៦