រដ្ឋបាលខេត្តកោះកុង

ថ្នាក់ដឹកនាំ មន្ទីរព័ត៌មានខេត្តកោះកុង អញ្ជើញចូលរួមពិធីអបអរសាទរខួបលើកទី៣៣ នៃទិវាប្រកាសឱ្យប្រើប្រាសរដ្ឋធម្មនុញ្ញ ÷

លោក​ មុំ​ ម៉ាលី​កា​ ប្រធាន​មន្ទីរព័ត៌មានខេត្តកោះកុង​ នាព្រឹកថ្ងៃទី ២៤ ខែកញ្ញា​ ឆ្នាំ២០២៦ អញ្ជើញ​ចូលរួម​ពិធិ​ខួបលើកទី ៣៣ នៃការប្រកាសឲ្យប្រើប្រាស់រដ្ឋធម្មនុញ្ញ(២៤ កញ្ញា ១៩៩៣- ២៤ កញ្ញា ២០២៦ នាព្រឹកថ្ងៃទី ២៤ ខែកញ្ញា ឆ្នាំ ២០២៦ នៅមហោស្រពខេត្តកោះកុង ក្រោមអធិបតីភាព ឯកឧត្តម ថុង ណារុង ប្រធានក្រុមប្រឹក្សាខេត្ត និងលោក ឈេង សុវណ្ណដា អភិបាលស្ដីទីខេត្តកោះកុង

រដ្ឋធម្មនុញ្ញ គឺជាច្បាប់កំពូលរបស់ព្រះរាជាណាចក្រកម្ពុជា ដែលកំណត់នូវគោលការណ៍ជាមូលដ្ឋានសម្រាប់ការរៀបចំ និងដំណើរការរបស់រដ្ឋ ព្រមទាំងការធានាសិទ្ធិ និងសេរីភាពរបស់ប្រជាពលរដ្ឋ។ ដូច្នេះ ការចូលរួមគោរពរដ្ឋធម្មនុញ្ញ មិនត្រឹមជាពិធីរំលឹកតាមប្រពៃណីប៉ុណ្ណោះទេ ប៉ុន្តែជាការបង្ហាញពីស្មារតីគោរពច្បាប់ និងការទទួលខុសត្រូវរួមក្នុងការថែរក្សាគោលការណ៍នៃនីតិរដ្ឋ។

សូមបញ្ជាក់ថា ពិធីនេះមានការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត តំណាងសាលាដំបូងខេត្ត និងអយ្យការអមសាលាដំបូងខេត្ត អភិបាលរងខេត្ត នាយក-នាយករងរដ្ឋបាលសាលាខេត្ត មេបញ្ជាការកងកម្លាំងប្រដាប់អាវុធគ្រប់ប្រភេទ ក្រុមប្រឹក្សា និងអភិបាល នៃគណៈអភិបាលក្រុង-ស្រុក មន្ត្រីរាជការ មន្ទីរ អង្គភាពជុំវិញខេត្ត និងក្រុមយុវជនយ៉ាងច្រើនកុះករ៕