រដ្ឋបាលខេត្តកោះកុង

មន្ទីរទេសចរណ៍ខេត្តកោះកុង សហការជាមួយកម្មវិធីអភិវឌ្ឍន៍ជំនាញ នៃអង្គការស្វីសខន់ថាក់ (Swisscontact) បើកវគ្គបណ្តុះបណ្តាលបដិសណ្ឋារកិច្ចកម្ពុជា (ហូកា) លើជំនាញ ឆុងកាហ្វេ (Barista ) ដែលមានរយ:ពេល ០៣ ថ្ងៃ ចាប់ពីថ្ងៃទី០៧ ដល់ថ្ងៃទី០៩ ខែកញ្ញា ឆ្នាំ២០២៦ នៅសហគមន៍នេសាទតំបន់ជ្រោយស្វាយ ក្នុងនោះមានសិក្ខាកាមសរុបចំនួន ១៦ នាក់ (ស្រី ១៦ នាក់) ក្រោមអធិបតីភាពលោក សេត រ៉ាស៊ូ អនុប្រធានមន្ទីរទេសចរណ៍ លោក ឆែម នុំ ជំទប់ទី២ឃុំជ្រោយស្វាយ និងលោកស្រី នង លឹមហ៊ាង ប្រធានសហគមន៍នេសាទតំបន់ជ្រោយស្វាយ ។

កម្មវិធីសិក្សាបានផ្តោតសំខាន់លើទ្រឹស្តីចំនួន ៦ ម៉ូឌុល មានដូចជា៖
១. ប្រវត្តិកាហ្វេ
២. ការងារខ្ញុំជាបារីស្ដា
៣. ប្រភេទគ្រាប់កាហ្វេ
៤. ដំណើរការនៃការធ្វើកាហ្វេ
៥. បញ្ជីរាយឈ្មោះកាហ្វេ
៦. ការប្រើប្រាស់ម៉ាស៊ីននិងឧបករណ៍ឆុងកាហ្វេ
៧.ការថែទាំម៉ាស៊ីននិងឧបករណ៍ឆុងកាហ្វេ
៨.ដំណើរការនៃការបើក/បិទហាងកាហ្វេ
៩.អនុវត្តន៍ការឆុងកាហ្វេ

បច្ចេកទេសគន្លឹះក្នុងផ្នែកឆុងកាហ្វេ រួមមាន៖
១. វិធីសាស្ត្រប្រមូលផលគ្រប់កាហ្វេ ដោយដៃ និងដោយម៉ាស៊ីន
២. ការប្រើប្រាស់ឧបករណ៍ សម្ភារៈក្នុងផ្នេកឆុងកាហ្វេ
៣. ការទុកដាក់គ្រាប់កាហ្វេ
៤. វិធីសាស្ដ្រក្នុងកាឆុងកាហ្វេ
៣. សិល្បៈនៃការស្ទីមទឹកដោះគោ
៤. សិល្បៈនៃការចាក់រូបភាពនៅក្នុងពែងកាហ្វេ
៦. អនាម័យ និងសុវត្ថិភាពនៅលើតុភ្ញៀវ
៧. ការគិតគូរពីបរិស្ថាន (ការកាត់បន្ថយប្លាស្ទិក និងការគ្រប់គ្រងកាកសំណល់)

នៅក្នុងវគ្គអនុវត្តផ្ទាល់ សិក្ខាកាមបានសិក្សារៀនសូត្រពីរបៀបឆុងកាហ្វេ ជាច្រើនដូចជា៖
១. រៀនពីវិធីឆុងកាហ្វេអេសប្រេសូ
២. រៀនពីវីធីរៀបចំទឹកដោះគោ
៣. រៀនពីវិធីធ្វើកាហ្វេឡាទេក្ដៅ និងឡាតេទឹកកក
៤. រៀនពីវិធីធ្វើកាហ្វេអាមេរិកាណូក្ដៅ និងអាមេរិកាណូទឹកកក