រដ្ឋបាលខេត្តកោះកុង

ថ្ងៃទី០៨ ខែវិច្ឆិកា ឆ្នាំ២០២០ វេលាម៉ោង ៣:០០ នាទីរសៀល ព្រះព្រហ្មកេស ហេង ប៊ុនសាម ព្រះសមុហ៍ធរ អនុគណស្រុកស្រែ និងជាព្រះចៅអធិការវត្តអង្គរភ្នំខ្លុង តំណាងព្រះទីធម្មាភិបាល លី វិចិត្រ ព្រះបាឡាត់គណខេត្តកោះកុង និងជាព្រះគ្រូចៅអធិការវត្តរស្មីសាមគ្គីគិរីទ័ពជាង និងលោក គង់ សារ៉ាវុឌ្ឍ ព្រមទាំងភរិយា បានដឹកនាំសមាជិក សមាជិកា សាខាសមាគមសិស្សនិស្សិតបញ្ញវន្តក្មេងវត្តខេត្តកោះកុង ដោយមានការចូលរួមពីលោកនាយប៉ុស្តិ៍រដ្ឋបាលនគរបាលឃុំស្រែអំបិល និងកងរាជអាវុធហត្ថស្រុកស្រែអំបិល បានឧបត្ថម្ភទឹកបរិសុទ្ធ ៥០កេស និងទឹកផ្លែឈើ ០៤កេស ជូនរដ្ឋបាលស្រុកស្រែអំបិល សម្រាប់រៀបចំមីទ្ទិញ អបអរសាទរ ខួបអនុស្សាវរីយ៍ លើកទី៦៧ នៃទិវាបុណ្យឯករាជ្យជាតិ ៩ វិច្ឆិកា ២០២០ នៅសាលាស្រុកស្រែអំបិល ខេត្តកោះកុង។

រដ្ឋបាលស្រុកស្រែអំបិល សូមថ្លែងអំណរព្រះគុណ និងអរគុណ និងសូមប្រគេនពរ និងជូនពរ ព្រះទីធម្មាភិបាល លី វិចិត្រ, ព្រះព្រហ្មកេស ហេង ប៊ុនសាម, លោក គង់ សារ៉ាវុឌ្ឍ និងភរិយា ព្រមទាំង ព្រះតេជគុណ លោក លោកស្រី សមាជិក សមាជិកា សាខាសមាគមសិស្សនិស្សិតបញ្ញវន្តក្មេងវត្តខេត្តកោះកុង ជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។