លោក គង់ ចន្ទថុល្ល ប្រធានស្តីទី មន្ទីរធម្មការនិងសាសនាខេត្តនិងសហការីបានចូលរួមសម្របសម្រួល ក្នុងពិធីដង្ហែទៀនព្រះវស្សានិងគ្រឿងឧបភោគបរិភោគ សំពត់ងូតទឹកភ្លៀង ចង្ហាន់បិណ្ឌបាត និងចតុបច្ច័យ ដែលជាសទ្ធាជ្រះថ្លាឯកឧត្តម ថុង ណារុង ប្រធានក្រុមប្រឹក្សាខេត្ត និងលោកជំទាវ លោកជំទាវ ឈី វ៉ា អភិបាលនៃគណៈអភិបាលខេត្ត និងស្វាមី វេរថ្វាយប្រគេន ព្រះរតនត្រៃ ក្នុងពុទ្ធសីមាវត្តអម្ពទ្យារាម
លោក គង់ ចន្ទថុល្ល ប្រធានស្តីទី មន្ទីរធម្មការនិងសាសនាខេត្តនិងសហការីបានចូលរួមសម្របសម្រួល ក្នុងពិធីដង្ហែទៀនព្រះវស្សា ព.ស.២៥៧០ គ.ស.២០២៦ គ្រឿងឧបភោគបរិភោគ សំពត់ងូតទឹកភ្លៀង ចង្ហាន់បិណ្ឌបាត និងចតុបច្ច័យ ដែលជាសទ្ធាជ្រះថ្លាឯកឧត្តម ថុង ណារុង ប្រធានក្រុមប្រឹក្សាខេត្ត និងលោកជំទាវ លោកជំទាវ ឈី វ៉ា អភិបាលនៃគណៈអភិបាលខេត្ត និងស្វាមី វេរថ្វាយប្រគេន ព្រះរតនត្រៃ ក្នុងពុទ្ធសីមាវត្តអម្ពទិយារាម ។
ដោយមាន អញ្ជើញចូលរួមពី ឯកឧត្តមលោកជំទាវ សមាជិកក្រុមប្រឹក្សា លោក.លោកស្រី ប្រធានមន្ទីរអនុប្រធានមន្ទីរ អង្គភាពជុំវិញខេត្ត និងពុទ្ធបរិស័ទ ។
នៅទីបញ្ចប់កម្មវិធី មានការលើកយកនូវមហាកុសលផលបុណ្យកើតពីពុទបូជា ធម្មបូជា និងសង្ឃបូជា ឧទ្ទិសថ្វាយប្រគេននិងជូន ចំពោះព្រះវិញ្ញាណក្ខន្ធ សម្ដេចព្រះមហាសង្ឃរាជ សម្ដេចព្រះសង្ឃរាជ សម្ដេចព្រះសង្ឃនាយ សម្ដេច ព្រះរាជាគណៈ ព្រគ្រូឋានានុក្រម ព្រះមេគណ ព្រះអនុគណ ព្រះគ្រូចៅអធិការ ព្រះភិក្ខុ សាមណេរ អតិតព្រះមហាក្សត្រ មហាក្សត្រយានី ព្រះរាជវង្សានុវង្ស បុព្វការីជន មន្រ្តីរាជការ វិរៈជនអ្នកស្នេហាជាតិ វិរៈកងទ័ព នាយទាហានពលទាហាន នគបាលជាតិ ជាដើម សូមបានបដិសន្ធិវិញ្ញាណក្នុងសុគតិភព ។
ក្នុងនោះដែ ព្រះករុណាព្រះសង្ឃ ក៏សូមសូត្រធម៌ជូនពរជ័យសិរីមង្គល ជូនដល់កងទ័ពដែលបាននឹងកំពង់ឈរជើងការពារតាមបន្ទាត់ព្រំដែន សូមឱ្យទទួលបានជោគជ័យ សុខភាពល្អ បរិបូរដោយកម្លាំងក្លាំខ្លា ឈ្នះអស់សត្រូវ គ្រប់ទិទី ៕
ថ្ងៃសុក្រ ២ រោច ខែទុតិយសាឍ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី២៣១ខែកក្កដា ឆ្នាំ២០២៦
