លោក សុខ សុទ្ធី អភិបាលរងខេត្តកោះកុង ដឹកនាំកិច្ចប្រជុំពិភាក្សាពាក់ព័ន្ធនឹងការចាត់ចែងដីទំហំ៩៣០៦ហិកតា ជូនប្រជាពលរដ្ឋដែលរងផលប៉ះពាល់ពីគម្រោងវិនិយោគក្រុមហ៊ុនយូញៀនពេលកន្លងមក

រសៀល ថ្ងៃទី០៥ ខែវិច្ឆិកា ឆ្នាំ២០២០ លោក សុខ សុទ្ធី អភិបាលរងនៃគណៈអភិបាលខេត្តកោះកុង បានដឹកនាំកិច្ចប្រជុំពិភាក្សាពាក់ព័ន្ធនឹងការចាត់ចែងដីទំហំ៩៣០៦ហិកតា ជូនប្រជាពលរដ្ឋដែលរងផលប៉ះពាល់ពីគម្រោងវិនិយោគក្រុមហ៊ុនយូញៀនពេលកន្លងមក ជាមួយអាជ្ញាធរស្រុកគិរីសាគរ។ សមាសភាព ចូលរួមប្រជុំរួមមាន លោកអភិបាលស្រុកបូទុមសាគរ ប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដី ប្រធានការិយាល័យភូមិបាលស្រុកគិរីសាគរ នាយកទីចាត់ការអន្តរវិស័យសាលាខេត្ត មេឃុំកោះស្តេច មេភូមិពាមកាយ មេភូមិព្រែកស្មាច់ មេភូមិកោះស្តេច ។