រដ្ឋបាលខេត្តកោះកុង

ថ្ងៃអាទិត្យ ៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកក្កដា ឆ្នាំ២០២៦។

នៅរសៀលថ្ងៃអាទិត្យ ៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកក្កដា ឆ្នាំ២០២៦ លោកជំទាវ ឈី វ៉ា អភិបាល នៃគណៈអភិបាលខេត្តកោះកុង ឯកឧត្ដមវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាល នៃរដ្ឋបាលខេត្តកោះកុង និងលោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង ព្រមទាំងថ្នាក់ដឹកនាំមន្ទីរពេទ្យ បានទទួលគារវកិច្ច ស្វាគមន៍ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងគណៈប្រតិភូអមដំណើរ ដែលអញ្ជើញមកពិនិត្យមើលពីវឌ្ឍនភាពនៃដំណើរការសាងសង់អគារសម្រាក ព្យាបាលជំងឺទូទៅ ដែលមានកម្ពស់ពីរជាន់ (E0, E1) នៅមន្ទីរពេទ្យបង្អែកខេត្តកោះកុង ដែលអគារនេះត្រូវបានលេចចេញជារូបរាងឡើងក្រោមគំនិតផ្ដួចផ្ដើម និងចូលរួមការសាងសង់របស់ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងមានការកៀរគរការចូលរួមថវិកាពីសប្បុជនមួយចំនួនទៀត ដើម្បីទុកជាគុណប្រយោជន៍យូរអង្វែងសម្រាប់ប្រជាជនមកសម្រាក ព្យាបាលជំងឺ។ សូមបញ្ជាក់ផងដែរថា អគារនេះត្រូវបានរៀបចំពិធីក្រុងពាលី បញ្ចុះបឋមសិលា និងចាប់ផ្ដើមដំណើរការសាងសង់តាំងពីថ្ងៃទី១៥ ខែឧសភា ឆ្នាំ២០២៦ បើគិតមកដល់ពេលនេះសម្រេចការសាងសង់បានប្រមាណ៤០%ហើយ ។