សាខាធនាគារជាតិនៃកម្ពុជាខេត្តកោះកុង ធ្វេីយុទ្ធនាការផ្សព្វផ្សាយប្រព័ន្ធទូរទាត់KHQR និងជម្រុងការប្រេីប្រាស់ប្រាក់រៀល
សាខាធនាគារជាតិនៃកម្ពុជាខេត្តកោះកុង ធ្វេីយុទ្ធនាការផ្សព្វផ្សាយប្រព័ន្ធទូរទាត់KHQR និងជម្រុងការប្រេីប្រាស់ប្រាក់រៀល។
ដើម្បីឆ្លើយតបទៅនឹងបញ្ចកោណទី៣ នៃយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា សាខាធនាគារជាតិនៃកម្ពុជាខេត្តកោះកុង បានរៀបចំកម្មវិធីយុទ្ធនាការប្តូរក្រដាសប្រាក់រៀល ចាស់ ទក់ រហែក ក្នុងគោលបំណង លើកកម្ពស់ការប្រើប្រាស់ប្រាក់រៀល(ប្រាក់រៀលតំណាងឱ្យអត្តសញ្ញាណជាតិ) និងដើម្បីធ្វើឱ្យសាធារណជន ឬយុវជនជំនាន់ក្រោយ ស្រលាញ់ប្រាក់រៀលយើង តាមរយៈរៀបចំយុទ្ធនាការស្រលាញ់ប្រាក់រៀល ប្តូរក្រដាសប្រាក់រៀល ចាស់ ទក់ រហែក ដោយជំនួសមកវិញនូវក្រដាស់ប្រាក់រៀលថ្មី ដើម្បីលើកតម្កើងមោទនភាពជាតិ។ បន្ថែមពីនេះក៏មានការចូលរួមជំរុញការប្រើប្រាស់ KHQR ប្រព័ន្ធទូទាត់បាគង លើកកម្ពស់ការទូទាត់ឌីជីថល និងជំរុញបរិយាបន្នហិរញ្ញវត្ថុ ដើម្បីបញ្ជ្រៀបចំណេះដឹងផ្នែកហិរញ្ញវត្ថុ ដល់សាធារណជន ក្នុងប្រព័ន្ធប្រតិបត្តិការធនាគារឱ្យកាន់តែ ទូលំទូលាយ និងផ្តល់លទ្ធភាពដល់សាធារណជនធ្វើប្រតិបត្តិការឆ្លងគ្រឹះស្ថានធនាគារបានយ៉ាងស្រួល មានសុវត្ថិភាព រហ័សទាន់ចិត្ត និងគ្មានកម្រៃសេវា ។ជាក់ស្តែង សាខាធនាគារជាតិនៃកម្ពុជាខេត្តកោះកុង បានរៀបចំយុទ្ធនាការនេះនៅក្រុងខេមរភូមិន្ទ ស្រុកមណ្ឌលសីមា ស្រុកថ្មបាំង ស្រុកកោះកុង និងស្រុកគីរីសាគរ ខេត្តកោះកុង ដោយមានប្រជាពលរដ្ឋចូលរួមយ៉ាងច្រេីនកោះករ ។
