លោក ជា ស៊ីវត្រា ប្រធានមន្ទីរផែនការខេត្តកោះកុង បានដឹកនាំមន្ត្រីជំនាញ ៤រូប ស្រី ២រូប ចូលរួមវគ្គបណ្តុះបណ្តាលមន្ត្រីថ្នាក់ក្រោមជាតិស្តីពី “គោលនយោបាយជាតិប្រជាជននិងប្រជាសាស្ត្រឆ្នាំ២០២៦” ក្រោមប្រធានបទ៖ ពង្រឹងការវិនិយោគលើយុវជន និងភាពធន់ប្រជាសាស្ត្រ
លោក ជា ស៊ីវត្រា ប្រធានមន្ទីរផែនការខេត្តកោះកុង បានដឹកនាំមន្ត្រីជំនាញ ៤រូប ស្រី ២រូប ចូលរួមវគ្គបណ្តុះបណ្តាលមន្ត្រីថ្នាក់ក្រោមជាតិស្តីពី “គោលនយោបាយជាតិប្រជាជននិងប្រជាសាស្ត្រឆ្នាំ២០២៦” ក្រោមប្រធានបទ៖ ពង្រឹងការវិនិយោគលើយុវជន និងភាពធន់ប្រជាសាស្ត្រ ក្រោមអធិបតីភាព ឯកឧត្ដម លេង ផាលី រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ ព្រមទាំងមានការអញ្ជើញចូលរួមពី ឯកឧត្តម ចេង ឡៃ សមាជិកក្រុមប្រឹក្សាខេត្ត ឯកឧត្តម ដួង ចាន់វាសនា អនុរដ្ឋលេខាធិការ លោក ពៅ ពិសិដ្ឋ អភិបាលខេត្តស្ដីទី និងលោក លោកស្រីប្រធាន មន្ត្រីមន្ទីរផែនការរាជធានី-ខេត្ត ចូលរួមចំនួន៩ រួមមានខេត្តបាត់ដំបង តាកែវ កំពត កោះកុង បន្ទាយមានជ័យ ប៉ៃលិន កំពង់ឆ្នាំង ភ្នំពេញ និងខេត្តពោធិ៍សាត់ ដែលប្រព្រឹត្តរយៈពេល ៣ថ្ងៃ គិតចាប់ពីថ្ងៃទី៧ ដល់ថ្ងៃទី៩ ខែកក្កដា ឆ្នាំ២០២៦ នៅភោជនីយដ្ឋាននិងសណ្ឋាគារច័ន្ទមណ្ណីមណ្ណីច័ន្ទសុខសាន្ត ខេត្តពោធិ៍សាត់។ វគ្គបណ្តុះបណ្តាលនេះមានគោលបំណងដើម្បីពង្រឹងសមត្ថភាពមន្ត្រីមន្ទីរផែនការរាជធានី-ខេត្តបន្ថែមទៀត ជាពិសេសការិយាល័យប្រជាជននិងអភិវឌ្ឍន៍ពាក់ព័ន្ធទៅនឹងសូចនាករសំខាន់ៗ ក្នុងការជំរុញការចូលរួមរបស់យុវជន និងពង្រឹងភាពធន់ប្រជាសាស្ត្រ។
ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែកក្កដា ឆ្នាំ២០២៦
